airplanebooksbriefcase business cogs cross election entertainment fish house law lockmedicalpeopleselfservices socialtax

Innarluutilinnut sullissisunut pikkorissarnissamut neqeroorut, qulequtaralugu Atoqatigiinneq innarluullu

Nassuiaat: WHO naapertorlugu atoqatigiinneq peqqinneq tassaavoq timikkut, eqqarsartaatsikkullu aamma kinguaassiuutitigut peqqissutsikkut pissutsinut attuumassuteqarnermi inuit akornanni ilorrisimaarneq. Kinguaassiutit atornerini aamma atoqatigiinnermi akuersaarneq ataqqinninnerlu pisariaqarpoq, assinganillu kinguaassiutitigut atoqatigiinnermi misigisassat, pinngitsaaliisoqassanngitsoq, assigiinngisitsinerit nakuu-sernerillu pinaveersaartinniarlugit qulakkeerinerit. 

FN-imi innarluutillit aalajangersagaanni allassimavoq: ”Inuit timikkut imaluunniit tarnikkut piginnaasakillisimasut namminneq kinguassiuutitigut atoqateqarnermik misigisaqarnissaannik itigartinneqassanngitsut, kinguaassiutitigut atoqateqarsinnaapput angajoqqaanngorsinnaallutillu. Allatulli naartunaaversaatinut atuinissaminnik pisinnaatitaaffeqassapput kiisalu atoqateqarnissaminnut paasissutissanik ammaffigineqassapput”.

Kisianni inunnik innarluutilinnik sullissisuulluni kinguaassiutit atornissai innarluullu qanoq ataqatigiissinneqarsinnaappat? Qanoq eqqartorneqartarpa? Killissat qanoq aalajangiusimaneqassappat innuttaasup ajunnginnerpaamik ikiorniarnerani?

Siunertaq: Pikkorissarnerup massuma erseqqissumik paasititsissutigissavai kinguaassiutinut tunngasut nalinginnaasut, qanoq kinguaassiutitigut atuineq sunniisarnersoq aammalu timikkut tarnikkulluunniit piginnaasakillisimasumit qanoq sunnertittoqartarnersoq, qanorlu atoqatigiinneq kinguaassiutitigullu atuineq pillugit sullissisutut pitsaanerpaamik oqaloqatiginninnissaq.

Pikkorissaasut: Helle Koldsø fra Klinisk sexolog & Hjælpemiddelskonsulent

Illoqarfimmit allamit peqataasussat pikkorissariarlutik tikissapput pikkorissarnerup allartiffissaa ullormik sioqqullugu, pikkorissarnerlu naammassippat aqaguani aallaqqillutik. Taamaakkaluartoq angalatitsivinnit ullut angallavissat apeqqutaallutik tikiffissat aallarfissallu allaanerusinnaapput.

Peqataanissamut qinnuteqarniaraanni kakkiussaq immersorneqassaaq.

Najukkaminngaanniit Sisimiunut uterlugu billetsi, taamatullu pikkorissarnerup nalaani ineqarneq ullaakkorsioneq ilanngullugu ullunilu pikkorissarfinni ulloqeqqasiorneq Pissassarfiup isumagissavai.

Najugarisamiit aallariartornermi tikinnermilu sumukarfissamukarnermi aningaasartuutit Pissassarfimmut attuumassuteqassanngillat.

Malugiuk, billetsit akikinnerit allanngortissinnaanngitsullu atorneqassapput. Taamaammat billetsinik allannguinermi taamaatitsinermiluunniit aningaasartuutit peqataasussap nammineerluni akisussaaffigissavai.

Qinnuteqarfissamut killigititaq: 22. juli 2022

 

Apeqqutissaqartoqarpat uunga apeqqutigineqassapput pissassarfik@nanoq.gl imalt. oqarasuaat. 34 50 70