Nuna tamakkerlugu immikkut ilinniagalinnut inersimasunut ADHD-qartunut sullissisunut pikkorissarnissaq.

Sullinniakkat:
Sullissisut (sagsbehandlerit) aamma ilinniarfinni siunnersortit inersimasunut ADHD-qartunut sullissisut.

Sammisaq:
Inersimasuni ADHD-qarneq.- Immikkut ilinniagalittut innuttaasoq ADHD-qartoq qanoq ikiorsinnaaviuk?

Piffissaq: 
sapaatip akunnera 39, ulluni 26. 27 aamma 28.septembari 2023

Sumiiffissaq:
Pissassarfik, Sisimiut.

Ulloq qinnuteqarfissap killinga qaangiutereerpoq. (1.septembari 2023)

Nassuiaat:
Nalunngilarput, inersimasut ADHDqartut imaluunniit assingusunik ajornartorsiuteqartut akulikippallaamik tulluanngitsunut kisitsisit atorlugit nalunaarsuusiornernut assigiinngitsunut inissinneqartartut aamma amerlavallaartut suliffeqarfiit avataanut pisinneqartartut. Qujanartumilli aamma ilisimaarivarput, sinaakkutit atuutsillugit ingerlaqqissinnaasut. Tamatigut nammineq aamma allanit piviusunngortitsisinnaaneq ilimagineqarneq ajoraluartoq.

 ADHDneq qanoq isumaqarpa? Pilersaarusiorsinnaanermut, iliuuseqarsinnaanermut, nalilii-sinnaanermut kiisalu imminut aqussinnaanermut ajornartorsiutaasut innarluummi suussusiliinermi suut pilersinneqartarpat? ADHDqarluni suliffeqarfinni sulinermi nukittuffinnik unamminartitallu qanoq ittunik atugaqartitsisarpa? Suliamut immikkut ilinniarsimasutut innuttaasoq malugeqqusoq- aamma suliaqarsinnaanermik akornuteqartumut sakkussanik iliuusissanillu unammillernartitaanut iliuuseqarfigineqarnissaanut qanoq ikiuussinnaavit?

 Tamanna inersimasuni ADHDqartunut pikkorissartitsinermi – paasinninneq & sapinnginneq paasisaqarfigissavat.

Pikkorissarnermi siunertaq:
Pikkorissartitsinermi peqataasut ADHD/ADD pillugit ilisimasanik pitsaasunik pissarsissapput, kisianni aamma ulluinnarni- sulinermilu inuunerisami innarluummik suussusersinerit qanoq isumaqarnerannik paasissallugu imaqarpoq. Naggataatigut minnerunngitsumillu peqataasut paasisaqarfigissavaat nammineq- sapinnginneq aamma innuttaasumik pitsaanerusumik suleqateqarnermik periarfissaqarneq.

Pikkorissaasoq:
Sammisami pisortaq aamma pilersaarusiornermi aqutsisoq Tine Hedegaard, ilaatigut inuusuttunut inersimasunullu sapinnginnermik ingerlatsinermi ADHDp-peqatigiiffiani ineriartortitsisoq.

Pikkorissaaneq danskisut ingerlanneqassaaq. Oqalutsimik najuuttoqassaaq

Pikkorissarnissamut neqeroorut PDF-itut aajuk:
Immikkut ilinniagalinnut inersimasunut ADHD-qartunut sullissisinut pikkorissarnissamut neqeroorut.

Angalaneq aamma aningaasartuutit:
Illoqarfimmit allamit peqataasussat pikkorissariarlutik tikissapput pikkorissarnerup aallartiffissaa ullormik sioqqullugu, pikkorissarnerlu naammassippat aqaguani aallaqqillutik. Taamaakkaluartoq silaannakkut angallanneq peqqutaalluni ullut angalaffissat allannguuteqarsinnaapput.

 Najugarisamiit Sisimiunut uterlugu billetsi, ineqarneq ullaakkorsiorneq ullunilu pikkorissarfiusuni ullup qeqqasiornerit ilanngullugit Pissassarfimmiit akilerneqassapput.

Maluginiarneqassaaq, billetsit akikinnerit utertinneqarsinnaanngitsut atorneqassammata.

 Peqataasut, taamaatitsisut imaluunniit inniminnikkanik akuereriikkanik allanngortitsisut sulisitsisuisa Pissassarfiup aningaasartuutigisimasai matussusissavaat.

 Najugarisami mittarfimmut aamma apuuffimmi ingerlatsinneq, allallu aningaasartuutit aamma ullormusiat Pissassarfiup susassaqarfiginngilai.

Apeqqutissaqartoqarpat uunga apeqqutigineqassapput:
E-mail.: Pissassarfik@nanoq.gl
Oqarasuaat: 34 50 70

-

Kinguaassiuutit atornerat aamma innarluuteqarneq pillugit pikkorissarneq.

Sullinniakkat:
Avannaata Kommuniani innarluutilinnut sullissisut aqutsisut aamma ikorfartortit

Piffissami: 
sapaatip akunnera 40, ulluni 3.,4 aamma 5.oktobari 2023

Sumiiffissaq:
Hotel Arctic, Ilulissat

Ulloq qinnuteqarfissap killinga qaangiutereerpoq.

Nassuiaat:
WHO naapertorlugu atoqatigiinneq peqqinnartoq tassaavoq timikkut, eqqarsartaatsikkullu aamma kinguaassiuutitigut peqqissutsikkut pissutsinut attuumassuteqarnermi inuit akornanni ilorrisimaarneq. Kinguaassiutit atornerini aamma atoqatigiinnermi akuersaarneq ataqqinninnerlu pisariaqarpoq, assinganillu kinguaassiutitigut atoqatigiinnermi misigisassat, pinngitsaaliisoqassanngitsoq, assigiinngisitsinerit nakuusernerillu pinaveersaartinniarlugit qulakkeerinerit.

FN-imi innarluutillit aalajangersagaanni allassimavoq: ”Inuit timikkut imaluunniit tarnikkut piginnaasakillisimasut namminneq kinguassiuutitigut atoqateqarnermik misigisaqarnissaannik itigartinneqassanngitsut, kinguaassiutitigut atoqateqarsinnaapput angajoqqaanngorsinnaallutillu. Allatulli naartunaaversaatinut atuinissaminnik pisinnaatitaaffeqassapput kiisalu atoqateqarnissaminnut paasissutissanik ammaffigineqassapput”.

Kisianni inunnik innarluutilinnik sullissisuulluni kinguaassiutit atornissai innarluullu qanoq ataqatigiissinneqarsinnaappat? Qanoq eqqartorneqartarpa? Killissat qanoq aalajangiusimaneqassappat innuttaasup ajunnginnerpaamik ikiorniarnerani?

Pikkorissarnermi siunertaq:
Pikkorissarnerup massuma erseqqissumik paasititsissutigissavai kinguaassiutinut tunngasut nalinginnaasut, qanoq kinguaassiutitigut atuineq sunniisarnersoq aammalu timikkut tarnikkulluunniit piginnaasakillisimasumit qanoq sunnertittoqartarnersoq, qanorlu atoqatigiinneq kinguaassiutitigullu atuineq pillugit sullissisutut pitsaanerpaamik oqaloqatiginninnissaq.

Pikkorissaasoq:
Helle Koldsø, klinisk sexolog & Hjælpemiddelskonsulent™ v. (Atoqatigiinnermut tunngasunik immikkut ilinniagalik aamma atortut iluaqusersuutit pillugit siunnersorti) Center for Personlig Trivsel (Timikkkut tarnikkullu ingerlalluarnissamut sullissivik)

Pikkorissaaneq danskisut ingerlanneqassaaq. Oqalutsimik najuuttoqassaaq

Illoqarfimmit allamit peqataasussat pikkorissariarlutik tikissapput pikkorissarnerup allartiffissaa ullormik sioqqullugu, pikkorissarnerlu naammassippat aqaguani aallaqqillutik. Taamaakkaluartoq angalatitsivinnit ullut angallavissat apeqqutaallutik tikiffissat aallarfissallu allaanerusinnaapput.

Pikkorissarnissamut neqeroorut PDF-itut aajuk:
Innarluutilinnut sullissisunut aqutsisunut ikorfartortisunullu pikkorissarnissamut neqeroorut

Juunimi kinguaassiuutit atornerat pillugu pikkorissarnermi allaatigisaq atuaruk:
"Kinguaassiuutinik atuineq eqqartortigu"

Aningaasartuutit:
Najugarisamiit Ilulissanut uterlugu billetsi, ineqarneq ullaakkorsiorneq ilanngullugu ullunilu pikkorissarfinni ulloqeqqasiorneq Pissassarfiup isumagissavai.

Malugiuk, billetsit akikinnerit allanngortissinnaanngitsullu atorneqassapput. Taamaammat billetsinik allannguinermi taamaatitsinermiluunniit Pissassarfiup angalanermut aningaasartuutai pikkorissartussap sulisitsisuata matussusissavai.

Najugarisamiit aallariartornermi tikinnermi aningaasartuutillu allat ullormusiallu Pissassarfimmut attuumassuteqassanngillat.

Apeqqutissaqartoqarpat uunga apeqqutigineqassapput:
E-mail.: Pissassarfik@nanoq.gl
Oqarasuaat: 34 50 70

---------------------------------------------------------------

2023-imi pikkorissarnerit ingerlanneqartut:

---------------------------------------------------------------------------------------------------