airplanebooksbriefcase business cogs cross election entertainment fish house law lockmedicalpeopleselfservices socialtax

Kommuninut

Pissassarfimmut pissassariarneq sunaanersoq aamma kikkut pissassariarsinnaanersut pillugit nittartakkani siuliiniittuni atuagaqarsinnaavutit. Ingerlariaqqiffik uunga Pissassarfimmut pissassariarneq

Pissassarfiup pissassartitsisartuinit qanoq siunnersorneqarsinnaanerit pillugu aamma atuagaqarsinnaavutit, taakku tassaapput pillorissaasut, timimik sungiusaasut perorsaasullu. Ingerlariaqqiffik uunga Siunnersuineq

Tamatuma saniatigut innuttaasunut innarluutilinnut innarluutillit naapeqatigiinnissaat pisussaq aamma inunnut sulialinnut, innuttaasunut ilaqutaasunullu pikkorissartitsinerit pillugit paasissutissat nassaarisinnaavatit. Ingerlariaqqiffik uunga Innarluutillit naapeqatigiinnerat Ingerlariaqqiffik uunga Pikkorissarnerit

Tulliuttuni ukununnga ingerlariaqqiffiit nassaarisinnaavatit:

  • Pissassarfimmi pissassariartornissamut innersuussinermi immersugassap immersornissaanut ilitsersuut
  • Innersuussunermi immersugassaq 
  • Akuersilluni atsiorneq

Pissassarfimmut innersuunneqarneq, innuttaasup kommunimi sulianik suliarinnittartua aqqutigalugu pissaaq. 

Innersuussinermi immersugassaq aamma akuersilluni atsiorneq innuttaasup sulianik suliarinnittartoq peqatigalugu immersussavai – takuuk innersuussinermi immersugassap immersornissaanut ilitsersuut.
Tamatuma saniatigut iliuusissatut pilersaarut, ilaatigut Pissassarfimmi pissassarnerup siunertaanik nassuiaasuusoq, suliarineqassaaq. 

Pappiaqqat Pissassarfimmut mail-erutigineqareerpata, Pissassarfiup innuttaasoq pissassariarnissamut nalilersuiffigissavaa. Pissassarnerunngitsumik suliniuteqarnermilli allamik suli innuttaasumut soqutiginaateqarnerusoqarpat, Pissassarfimmit sulianik suliarinnittartoq innuttaasorlu attavigineqassapput suliniuteqarnerup ingerlanneqarnissaa ersarinnerusumik isumaqatigiissutigiumallugu. 

Innuttaasup pissassarneranut pilersaarut sulianik suliarinnittartup Pissassarfiullu peqatigiillutik suliarissavaat. 

Pissassarfimmi pissassarneq kommuninut akeqanngilaq. 
Innuttaasup pissassariarnerani ingiallortillu/tapersersortillu angalanermi ikissutissaat, najugaqarnerat nerisaqarnerilu Pissassarfiup isumagissavai. 

Ingiallortip/tapersersortip sulinermi akissarsiatigut annaasai/ullormusiai kommunip isumagissavai. 

Innersuussineq pillugu apeqqutissaqaruit attaveqarfiginiarisigut.

Allagit uatsinnut uunga e-mail-imut: pissassarfik@nanoq.gl imaluunniit sianerit oqarasuaammut: 34 50 70-imut, ataasinngorneq – tallimanngorneq nal. 09.00-15.00.

Innersuussinermi innersugassap innersornissaanut ilitsersuummut iserfissiaq Link 

Innersuussinermi immersugassamut iserfissiaq Link

Akuersilluni atsiugassamut iserfissiaq Link