Pissassarfik pillorissaasumik piginnaanngorsaqqiinerup iluani misilittagalimmik pissarsiorpoq.
Peqqissutsip suuneranut innuttaasup paasinninnerata pitsanngorsaaviginissaanut iliuuseqarnissamullu piginnaaneqalernissanut uagutsinni passussisutut ukkassissaatit.
Inuit innarluutillit ukiui apeqqutaanatik piginnaanngorsaqqinnissamik pisariaqartitsisut sullitaraagut.
Ulluinnarni sulinermi misissuineq, passussineq, qulaajaaneq, sammisassaqartitsissutaasinnaasunik misissueqqissaarneq, sungiusaaneq, allaffissornermi suliassat taamalu inunnut innarluutilinnut, qanigisaasunut, suliassanut ilinniarsimasunut suleqatigisanullu allanut attuumassutilinnut siunnersuineq ilitsersuinerillu ingerlanneqartarput.
Pitsaaqutaassaaq qaratsamit aallaaveqartumik meeqqat nappaataannik imaluunniit inunnik innarluutilinnik misilittagaqartuuneq.
Ulloq atorfiniffissaq:
1. septembari 2023 imaluunniit isumaqatigiissuteqarnikkut.
Ulloq qinnuteqarnissamut piffissaliussaq:
14. juuli 2023
Illiua suleqatissarput?
Linki toorlugu atorfik pillugu paasisaqarnerugit aamma atorfimmut qinnuteqarit:
Nuna Tamakkerlugu Inunnut Innarluutilinnut Sullissivik, Pissassarfik nuna tamakkerlugu pilloriassaasumik immikkut akisussaasumik pissarsiorpoq - Namminersorlutik Oqartussat (emply.net)