Pissassarfik ukiumut marloriarluni Nuna Tamakkerlugu inunnut innarluutilinnut naapeqatigiisitsinernik ingerlatsisarpoq. Ukiaq manna naapeqatigiisitsineq inersimasunut ADHD-qartunut neqeroorutaavoq.
Naapeqatigiisitsineq saqqummiineqarlunilu oqallinneqartussaammat peqataasussat ulluinnarni eqqarsartaatsikkut timikkullu nammineersinnaanerannik piumasaqaataavoq.
Innuttaasut naapeqatigiinnermut peqataaniarlutik qinnuteqarsinnaasut tassaapput inersimsut ADHD-imik suussusiliiffigineqarsimasut, imaluunniit tamanna pillugu nakorsiareersimasut.
Naapeqatigiinneq kalaallisut ingerlanneqassaaq.
ADHD-qarluni inersimasunngoreerluni ulluinnaat inuuniarnerlu assigiinngitsutigut sunnerneqartarpoq, imminullu paasilluarnissaq; minnerunngitsumillu avatangiisinit paasineqarnissaq pingaaruteqarpoq. Naapeqatigiinnermi ilaatigut makku ilisimatuussutsikkut misilittakkatigullu ilisimasat sammineqassapput:
- ADHD-qarluni inersimasunngoreerluni qanoq inissisimanarpa?
- Paasiaarsimagaanni paasiaarsimanngikkaannilu suunuku sunniutaasartut?
- ADHD qarasatsinni sunaava, suut sunniutaappat?
- ADHD nammineq atugaralugu qanoq ippa?
Saniatigut sammineqassapput ADHD inuiaqatigiinni isornartorsiuisumik isiginninneq, apeqqutissaasinnaasut isiginnittariaatsillu allat matussuserlugit. Minnerunngitsumillu ADHD-qarluni inersimasunut sakkussat eqqartorneqassapput.
Naapeqatigiisitsineq Niina Petersen Tarnip pissusaanik immikkut ilisimasalik / psykologi suleqatigalugu ingerlanneqassaaq.
Piffissaq: 10.-11.-12. Oktoberi 2023
Sumiiffissaq: Pissassarfik, Sisimiut
Qinnuteqarnermut ulloq killiliussaq: 18. Septembari 2023
Una toorlugu naapeqatigiisitsineq paasisaqarfiginerujuk aamma peqataaniarluni immersugassaq aajuk:
Nuna tamakkerlugu inunnik innarluutilinnik naapeqatigiisitsineq.