airplanebooksbriefcase business cogs cross election entertainment fish house law lockmedicalpeopleselfservices socialtax

Nuna tamakkerlugu inunnik innarluutilinnik naapeqatigiisitsineq:

Timikkut piginnaasakillinermi timikkullu annaasaqarnerup kingunerisaanik tarnikkut kingunerluutaasinnaasut.
Uanngaanniit:
9. maj 2023 00:00
Uunga:
11. maj 2023 00:00
Sumiiffik:
Pissassarfik, Sisimiut

Nuna tamakkerlugu inunnik innarluutilinnik naapeqatigiisitsinissami peqataanissamut neqeroorut.

Sammisaq:
Timikkut piginnaasakillinermi timikkullu annaasaqarnerup kingunerisaanik tarnikkut kingunerluutaasinnaasut.

Sullinniakkat:
Inuit innarluutillit inersimasut assersuutigalugu timikkut piginnaasakillisimasut, qaratsakkut aanaartoorsimasut milikartoorsimasut, isigiarsuttunngorsimasut/tappingersimasut imalunniit timikkut arlaatigut annaasaqarsimasut.

Uani pineqanngillat ersinngitsumik innarluutillit tarnikkulluunniit nappaatillit.

Naapeqatigiisitsinermi siunertaq:
Inuunermi pinngitsoqarata aqqusaagassaqarpugut sakkortusinnaasunik inuunitsinnik allannguisumik, qisuariaatsillu assigiinngitsut amerlasinnaapput. Tarnikkut qisuariaatsit eqqartorneqarumaarput, oqaasinngueqatigiinneq nuannaarsaqatigiinnerlu pisarumaarput.

Qisuariarneq – imminut suliarineq – akuersineq – iperaaneq – inuttut ingerlaqqinneq.

Naapeqatigiisitsineq psykoterapeut Elisabeth P. Wille suleqatigalugu ingerlanneqarumaarpoq. Naapeqatigiisitsineq Kalaallisut ingerlanneqassaaq.

Naapeqatigiinneq ingerlanneqassaaq:
Sap. Akunnera 19, ulluni 9. – 11. Maaji 2023.

Sumiiffik:
Pissassarfik, Sisimiut.

Peqataasussat amerlassusaat:
30

Naapeqatigiinnissamut qinnuteqarnermi ulloq killigititaq:
Kingusinnerpaamik ulloq 7. apriili 2023.

Qinnuteqaat E-mailikkut uunga nassiunneqassaaq:
pissassarfik@nanoq.gl

Linki toorlugu innarluutillit naapeqatigiinnissaat pillugu atuarit aamma naapeqatigiinnissamut qinnuteqarnissamut immersugassaq aajuk: 
Nuna tamakkerlugu innarluutillit naapeqatigiinnerat.