airplanebooksbriefcase business cogs cross election entertainment fish house law lockmedicalpeopleselfservices socialtax

Pissassarfimmiit Danmarkimut paasisassarsioriartorneq

4. juli 2022

Pissassarfimmi perorsaasutut atorfilik Kuuna Inûsugtok’, sapaatip akunnerani 25-mi Danmarkimukarpoq paasisassarsioriartorluni.

Kuunap siunertaraa, Elsass Fondenip aaqqissuullugulu ataqatigiissagaani inuusuttuaqqat 13-niit 17-nut ukiullit Cerebral Pareseqartut naapisinneqarneranni malinnaanissaq taaneqartoq Teencamp. Taamaalilluni Pissassarfimmi uge 38-mi meeqqat inuusuttuaqqallu taamatut innarluutillit naapisinneqalerpata Kuunap ilisimasaqarfigereerlugulu sakkussaqassagami.

Cerebral Parese (CP) tassaavoq meeqqap naarmiuunermini, inunngornermini inoorlaajunerminiluunniit qaratsakkut innarlernera, ukunannga tunngaveqarsinnaasoq:

  • Inorluni inunngorneq
  • Aanaartoorneq milikartoornerluunniit
  • Silaannarmik amigaateqarsimaneq
  • Aseruuttoorneq

Taamaakkaluartoq tamatigut qaratsakkut innarlerneq paasineqartuaannanngilaq. Tamannalu inuunerup sinnerani pigineqartarpoq.

”Ullut sisamat peqataaninni sakkussanik pissarsiaqarluarlunga misigisimavunga, qilanaarpungalu sammisaqaqatigiinnissap pilersaarusiorfiginissaanut, neriullunga Cerebral Pareseqartunut qanigisaanullu tunniussaqarluarumaarluta” -Kuuna nassuiaavoq.

Cerebral Parese pillugu annertunerusumik uani atuarsinnaavutit