airplanebooksbriefcase business cogs cross election entertainment fish house law lockmedicalpeopleselfservices socialtax

Timimi sianiutit pissusaannut tunngasut pillugit pikkorissarneq ingerlanneqarsimalerpoq

21. april 2023
Pissassarfik
assi: Pikkorissarnermi peqataasut.


Qaratsami taqqatigut milikartoornermi, aanaartoornermi imaluunniit ajutoornerup kingunerisaanik qaratsakkut innarlersimasunut ikorfartortit 15-it nunatsinni sumiiffinni assigiinngitsuneersut, Pissassarfimmi piffissami marlunngorneq 18. Apriili sisamanngorneq 20. Apriili 2023 ilanngullugu, qaratsap qanoq atuuteqarneranik aamma nappaatit qaratsamut qanoq sunniuteqartarneri pillugit pikkorissarput.



“Qaratsami innarlersimanerit ilaatigut takuneqarsinnaanngillat, taamaalilluni ersinngitsumik innarluuteqarneq paasineqanngippat ilaatigut avatangiiserisanit paatsoorneqarnermik kinguneqarsinnaasarpoq, taamaattumik pingaaruteqarpoq ikorfartortit naleqquttumik qaratsakkut innarlersimaneq pillugu ilisimasaqarnissaat aamma paasisimasaqarnissaat. Nuanneqaaq nuna tamakkerlugu sumiiffinni assigiinngitsuneersut ikorfartortit pikkorissartillugit, imminnut ilinniarluaqaat aamma ilisimasaminnik misigisartakkaminnik avitseqatigiilluarput. Neriuppunga paasisatik sulinerminni atorluarumaaraat, ikorfartortimmi suliaat pingaaruteqarluinnarput innuttaasunut sullinneqartunut.” - taama oqaaseqarpoq pikkorissaasoq Anne Norup, Ph.d. Timimi sianiutit pissusaannik immikkut ilisimasalik, Ilisimasanik siammarteriffimmi Pisortaq, Videncenter for Neurorehabilitering, Rigshospitalet, Glostrup 



Anne Norup, Ph.d. Timimi sianiutit pissusaannik immikkut ilisimasalik, Ilisimasanik siammarteriffimmi Pisortaq, Videncenter for Neurorehabilitering, Rigshospitalet, Glostrup 

Pikkorissarnermi sammineqarput qaratsap sananeqaataa, qaratsakkut nappaatit, qarasap innarlersimanerani kingunerluutaasinnaasut, innarluutit ersinngitsut takuneqarsinnaasullu, qaratsakkut akornusersimanerup kingorna piginnaanngorsaqqinneq. Innuttaasoq qaratsamigut innarlersimasoq ikorfartortitut qanoq pitsaanerusumik paasineqarsinnaanera aamma assigiinngitsut eqqaamannissinnaassutsimut malittaasut paasinissai, afasi, neglekt, pissusilersuutit allanngornerat aamma misigissutsitigut qisuariaatit soorlu isummakkut nanertisimaneq aliasunnerlu. Taakku saniatigut pikkorissartut qanigisaasunut ikiusinnaaneq ilinniarpaat. Pikkorissartut pikkorissarnermi assigiinngitsunik misileraapput soorlu oqaatsit atunngikkaluarlugit oqalunneq – timip iliuusaa atorlugu attaveqaqatigiinneq.




“Pikkorissarnitsinni pissarsiaqarluarpugut, paasisaqarnaqaaq. Pikkorissaqatigiiulluta immitsinnut immersorlutalu avitseqatigiinnerput iluarpoq nuannerlunilu. Paasisagut angerlarutta atorluassavagut aamma suleqatitsinnut ingerlateqqissavagut.”- Taama pikkorissartut  nalileeqatigiipput.







Pikkorissarnermit assit:

Aamma atuaruk

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput. Akueriuk annertunerusumilluunniit uani paasisaqarit.