Katrine Berthelsen Sisimiormiu Pissassarfimmi eqqiaasutut ukiut tallimat atorfeqarluni nalliuttorsiornerani tunissuteqarfigineqarpoq. Katrine Pissassarfimmi pikkorissartoqartillugu aamma innarluutillit naapeqatigiissinneqarneranni iggavimmi ikiuuttarpoq.
“Sulininni nuannernerpaasarpoq innuttaasut nuna tamakkerlugu sumiiffinnit assigiinngitsuniit aggerfillit tikikkaangata naapittarneri, tamaaniinnerini suliaqarninni tatiginnillutik qanimut naapillugit saaffiginnikkaangata oqaloqatigisarneri uannut tunissut angisoorujussuusarpoq, inuttut atukkatigut ilinniarfigalugillu ineriartuutigisarakkit, taamaalillunga aamma ilisarisimasarpassuaqalerpunga. Piffissaq sukkaqaaq, suleqatit nuannersut arlallit suleqatigisarsimavakka. Ukiuni taakkunani atorfissaqartinneqartutut misigalunga suliartortarnera nuannaarutigeqaara nukissannik aamma aallerfigisarakku.”
Katrine ilaqutaalu nalliuttorsiornerani pilluaqqungaarpagut.