Sammisaq: Qaratsami sianiutit pissusaat
Piffissami: Sap. ak. 35, ulloq 28.-29.-30. aggusti 2024
Sumiiffissaq: Pissassarfik, Sisimiut
Peqataasinnaasut: 20
Sullinniakkat: Qanigisaasut, qaratsamikkut innarlersimasumik ilaqutaqartut.
Qinnuteqarfissaq: Kingusinnerpaamik ulloq 08.juuli.2024 (Malugiuk: Qinnuteqarfissap ullua qaangiuppat aatsaat pikkorissarnermut peqataasussat nalunaarfigineqassammata)
Pikkorissaaneq: Pikkorissaaneq danskisut ingerlanneqassaaq oqalutseqassallunilu.
Nassuiaat:
Inuit inersimasut innarluuteqalertarnerinut qaratsakkut ajoqusersimaneq peqqutaagajuttarpoq inersimasuni qaratsakkut innarlersimanerit qaratsami taqqatigut milikartoornermik imaluunniit aanaartoornermik tamatigut peqquteqartumik pilersarpoq, imaluunniit ajutoortoqarsimatillugu qarasaq akornuserneqartarpoq.
Qarasaq sunut tamanut suliaqarnitsinnut peqataasarpoq. Qaratsakkut innarlersimanermi akuttunngitsumik annertuumik piginnaasat annikillinerinik oqalunniarnikkullu ajornartorsiuteqalernermik malitseqartarpoq kisianni aamma qaratsakkut innarlersimanermi pissusilersuutitigut allanngornermik kingunerlutsitsisinnaavoq, sumiiffimmi aqqutissamillu ujartuisinnaanermik piginnaanikillisimaneq, ulluinnarnilu iliuuseqarnissamut piginnaasat allannguuteqalernerinik. Inuit amerlasuut qaratsakkut innarlersimasut annilaanganermik aamma isummakkut nanertisimaneq tarnimikkut qisuariaatitut misigisarpaat.
Ilaqutariinni qaratsakkut ajoqusertoqartillugu ilaqutariit tamarmik eqqugaasarput, tamannalu ilaatigut ulluinnarni ilaqutariit inooqatigiinnerannut attaveqatigiinnerannullu unammillernartuusinnaalluni. Inuunermi pissutsit nutaat apeqqutit amerlasuut pilersissinnaavai soorlu: qanoq ilaqutaasoq ajunnginnerpaamik ikiorsinnaaviuk tapersersorlugulu? Qanoq ililluta inuit oqalussinnaanermikkut pissutsimikkulluunniit ajoqusersimasut attaveqarfigisinnaavagut?
Pikkorissaaneq ilinniartitsinermik eqimattanilu oqallitsitsinermik akulerullugit imaqartinneqassaaq, qanigisat allat peqatigalugit periarfissaqassaaq nammineq misilittakkat eqqartuiffigineqarnissaannut.
Siunertaq:
Qaratsap qanoq atuuffeeqarneranik aamma nappaatit qaratsamut qanoq sunniuteqartarneri pillugit pikkorissartitsinermi erseqqissumik paasisaqarnissat siunertaavoq. Qaratsakkut ajoqusernerup kingorna nappaatip ersiutai nalinginnaanerpaasut ilisaritinneqarumaarput, taakkulu ulluinnarni qanoq tigunissaannut.
Pikkorissaasoq:
Ane Norup. Ph.d. Specialist i klinisk neuropsykologi, Videnscenterchef i Videnscenter for Neurorehabilitering, Rigshospitalet, Glostrup.
Qinnuteqarneq:
Peqataanissamut qinnuteqarniaraanni immersugassaq PDF-filiusoq immersoriarlugu Pissassarfiup E-mailianut nassiunneqassaaq. Malugiuk qinnuteqarfissamut killigititap ullua qaangiutereerpat aatsaat peqataasussat nalunaarfigineqassammata.
Immersugassaq PDF-filiusoq aajuk:
Immersugassaq
E-mail:
Pissassarfik@nanoq.gl
Pikkorissarnissamut neqeroorut PDF-filiusoq aajuk:
Qaratsamigut ajoqusersimasup qinigisaanut pikkorissarnissamik neqeroorut
Angalaneq aningaasartuutillu:
Illoqarfimmit allamit peqataasussat pikkorissarnerup aallartiffissaa ullormik sioqqullugu tikissapput, pikkorissarnerlu naammassippat aqaguani aallaqqillutik. Taamaakkaluartoq angalatitsivinnit ullut angallavissat apeqqutaallutik tikiffissat aallarfissallu allaanerusinnaapput.
Najugarisamiit Sisimiunut uterlugu billetsi, ineqarneq ullaakkorsiorneq ilanngullugu ullunilu pikkorissarfinni ullup qeqqasiorneq Pissassarfiup isumagissavai.
Malugiuk: billetsit akikinnerit allanngortissinnaanngitsullu atorneqassapput. Taamaammat billetsinik allannguinermi taamaatitsinermiluunniit Pissassarfiup angalanermut aningaasartuutai, pikkorissartussap sulisitsisuata matussusissavai.
Angalanermi aningaasartuutit ass. taxarneq ullormusiallu Pissassarfimmut attuumassuteqanngillat.
Apeqqutissaqartoqarpat uunga apeqqutigineqassapput:
pissassarfik@nanoq.gl imalt. oqarasuaat. 34 50 70