airplanebooksbriefcase business cogs cross election entertainment fish house law lockmedicalpeopleselfservices socialtax

Innarluutillit naapeqatigiinnerat 

Pissassarfik ukiumut marloriarluni inunnut innarluutilinnut naapeqatigiisitsinernik ingerlatsisarpoq. 
Pisumiit pisumut qulequtarineqartoq allanngortarpoq. 

Qulequtaq ilinnut naleqquppat, innarluutillit naapeqatigiinnissaanni peqataanissaq pillugu qinnuteqarnissamut kommunimi sullissisut attavigissavat. 

Innarluutillit naapeqatigiinneranni peqataaneq akeqanngilaq. Pissassarfiup aamma angalanissat, nerisaqarneq ineqarnerlu isumagissavai. 

Innarluutillit naapeqatigiinneranni peqataanissat ilinnut naleqquttuunersoq annertunerusumik paasisaqarfigiumagukku allanilluunniit apeqqutissaqaruit sukkulluunniit attaveqarfiginissatsinnut tikilluaqqusaavutit.

Periuseq
Innarluutillit napeqatigiinneranni qulequtarineqartoq ilinnut sammititaq takugukku peqataaffiginissaalu kissaatigigukku, kommunimi sullissisunnut saaffiginnissaatit.
Innarluutillit naapeqatigiinneranni peqataasinnaajumallutit pisariaqartikkukku tapersersortivit ilaatinnissaanut periarfissaqarpoq. 
Innarluutillit naapinnerinut ataasiakkaanut tamanut peqataanissamut immersuiffissaq ataani nassaarisinnaavat.

  • Innarluutillit naapinnissaat pillugu nassuiaat aamma peqataanissamut immersuiffissaq sukumiisumik atuakkit
  • Peqataanissamut immersuiffissaq immersorneqassaaq aamma ilinnit kommunimilu sullissisunnit atsiorneqassalluni Pissassarfimmullu mailerutigineqassalluni
  • Peqataanissamut nalunaarfissaq qaangiuppat innarluutillit naapeqatigiinneranni ilaanissannut akuerineqarsimanerit akuerineqarsimannginnerilluunniit pillugu ilisimatinneqarumaarputit 
  • Illoqarfigisavit avataani illoqarfimmi allami innarluutillit naapeqatigiinnerat ingerlanneqassappat, angalanissat ineqarfigisassallu pillugit paasissutissat ilinnut mailikkut nassiunneqassapput