Atuartiguk

Kalaallit Nunaanni ungasianiit ussersuutit atorlugit oqalutseqarnissamut digitali aqqutigalugu periarfissaq

Indhold

Kalaallit Nunaanni ussersuutit atorlugit oqaluttaaneq ussersorneq atorlugu attaveqaqatigiinneq ingerlattarpiuk, imaluunniit pisortat suliffeqarfiutaanni namminersortutulluunniit sullitavit ussersornermik attaveqartup attaviginissaanut oqalutseqarnissat pisariaqartillugu?

Tamanna digitali aqqutigalugu ungasianiit ussersuutit atorlugit oqalutseqarnissaq periarfissaavoq.

Nammineq ussersorluni oqalutsissarsiornissat isumagissavat, ussersuutit atorlugit oqaluttaasartut ilaatigut namminersorlutik ingerlasut atorneqartarmata aningaasartuutissat aamma nammineq qulakkiissavatit.

Uani nanisinnaavatit ussersuutit atorlugit oqaluttaasartut attaveqarfigineqarnissaannut paasissutissaataat.

Ilitsersuut suliarineqaleruttorpoq.

 Nammineq ussersorluni oqalutsissarsiornissat aningaasartuutaasussallu qulakkiissavatit

Sumiiffigisanni ussersorluni oqalutseqarsinnaaneq periarfissaanngippat, ussersorluni oqalutsit namminersortut atorneqarnissaat periarfissaavoq. Piffissamillu inniminniitinnak nammineq aningaasartuutitssatit imaluunniit pisortanit ikiorsiissutinik aningaasaliiffigineqarsimanissat qulakkeereersimassavat. 

Suut pillugit ussersuutit atorlugit oqalutseqartoqarsinnaava?

Innuttaasoq - Pisortat suliffeqarfiutaani atorfilik/sulisoq - Suliffeqarfiit namminersortut

Innuttaasoq:

Innuttaasutut ussersorneq atorlugu oqalutsimik pisariaqartitsiguit, assersuutigalugu ukununnga saaffiginninniarlutit:

  • Pisortat suliffeqarfiutaannut

  • Peqqinnissaqarfimmut

  • Oqaloqatiginninnissamut, ataatsimiinnissanullu suugaluarnersunut

  • Inuiaqatigiit akornanni aaqqissuussani pisoqarfiusuni peqataallutit attaveqarniaruit

  • Inuttut ataasiakkaatut pisariaqartitatit aallaavigalugit arlaannut saaffiginninniaruit

Pisortat suliffeqarfiutaani atorfilik/sulisoq:

Pisortat suliffeqarfiutaani sullissininni ussersorneq atorlugu oqalutsuimik, assersuutigalugu ukunani pisariaqartitsiguit:

  • Innuttaasoq ussersorluni attaveqartoq, suliat pillugit saaffigalugu sullinniarukku

  • Innuttaasoq ussersorluni attaveqartoq attaveqaqatigalugu imaluunniit ataatsimiinnermi naapinniarukku

  • Nakorsiartikkukku imaluunniit kigutileriffimmi sullinniarukku

  • Innuttaasoq paasissutissiinernut suugaluarnersuni peqataatillugu saaffiginiarukku

 Inatsit tunngaviusoq oqalutseqarnissamut pisinnaatitaaffiliisoq

Innuttaasutut allatuulli saaffiginninnermi oqalutseqarnissamut pisinnaatitaaffeqarputit, soorlu kalaallisuumiit danskisuumut aamma illuatungaanut nutserisoqartartoq.

Ussersorneq atorlugu oqalutseqarniarnermi, aningaasartuutit matussuserneqarnissaannut inatsit una tunngavigineqassaaq:
Inuit innarluutillit tapersersorneqarnissaannut Namminersorlutik Oqartussat nalunaarutaat nr. 29, 7 August 2020-meersumi, Kapitali 11 aningaasartuutaanerusunut tunngasoq.

Suliffeqarfiit namminersortut:

Innuttaasutut ussersorluni attaveqartuuguit, imaluunniit suliffeqarfimmi namminersortumi sulisutut ussersorluni oqalutseqarnissamik pisariaqartitsiguit, ussersuutit atorlugit oqalutseqarnissaq akornassinni nammineq aaqqiissuteqarfigissavarsi:

  • Innuttaasutut ussersorluni attaveqartutut, suliffeqarfimmut namminersortumut attaveqarumallutit oqalutseqarnissamut aningaasartuutissanik kommunimi sullissisoq (sagsbehandler) aqqutigalugu pisortanut ikiorsiissutinik qinnuteqarsinnaavutit

  • Namminersorluni suliffeqarfimmi ussersuutit atorlugit oqalutseqarneq nammineq aningaasartuutigissavarsi

 Ussersuutit atorlugit oqalutsimik atuiniarluni piffissamik inniminniinnginnermi aningaasartuutissat qulakkeereerneqarsimassapput

Ungasianiit ussersuutit atorlugit oqalutseqarniarluni oqalutsimik atuinissamut piffissamik inniminniinissat sioqqullugu, oqalutseqarnissamut aningaasartuutissat qulakkeereersimassavatit:

  • Innuttaasutut ussersuutit atorlugit attaveqartutut, ussersuutit atorlugit oqaluttaasartunut piffissamik inniminniinnginninni nammineq aningaasartuutissatit imaluunniit pisortanit ikiorsiissutinik ningaasaliiffigeqarsimanissat qulakkeereersimassavat

  • Pisortat suliffeqarfiutaani sullissisutut imaluunniit suliffeqarfik namminersortumi sulisutut, ussersuutit atorlugit oqalutseqarnissamut aningaasartuutissatit qulakkeersimassavatit

Aningaasartuutissanik qulakkeerinnereersimanissamut pissutaavoq ungasianiit ussersuutit atorlugit oqaluttaasartut namminersorlutik suliffeqarfimmik ingerlatsisut atorneqartarmata. Ataani takuuk oqalutsimik atuiniarluni iliuusissat.

Ussersuutit atorlugit oqaluttaasumik atuiniarluni iliuusissat

Innuttaasoq:

  • Ulloq aamma nalunaaqutaq qassiniit qassinut ussersuutit atorlugit oqalutseqarnissavit piffissaa ilisimassavat

  • Ungasianiit ussersorluni oqaluttaasartup atorniakkavit akigititai naapertorlugit, kommunimi sullissisorisannut ilimasaarutissannik aningaasartuutissanut missigersuusiussaatit

  • Kommunimi sullissisorisat (sagsbehandler) attavigalugu ungasianiit ussersuutit atorlugit oqalutseqarnissamut atugassanik aningaasartuutissanik pisortat ikiorsiissutaannik qinntueqassaatit

  • Aningaasaliiffigineqaruit ungasianiit ussersuutit atorlugit oqaluttaasartunut piffissamik inniminniissaatit

Pisortat suliffeqarfiutaani atorfilik/sulisoq imaluunniit namminersortoq:

  • Ulloq aamma nalunaaqutaq qassiniit qassinut ussersuutit atorlugit oqalutseqarnissavit piffissaa ilisimassavat

  • Ussersuutit atorlugit oqaluttaasartup atorniakkavit akigititai naapertorlugit aningaasartuutissanut missingersuusiussaatit, aningaasartuuteqarnissallu qulakkeerlugu

  • Aningaasartuutitssat qulakkeerpata ussersuutit atorlugit oqaluttaasartunut piffissamik inniminniissaatit


Ungasianiit ussersuutit atorlugit oqalutseqarnermi attaveqaatit atorneqartartut

Ungasianiit ussersuutit atorlugit oqalutseqarneq ingerlanneqartarpoq digitali aqqutigalugu, oqarasuaat angallattagaq, iPad, qarasaasiaq assigisaalu atorlugit

Ussersuutit atorlugit oqaluttaasartut allattorsimaffiat

Ataani allassimapput ungasianiit ussersuutit atorlugit oqaluttaasartut allattorsimaffiat.

Nittartakkami qupperneri iserfigalugit, imaluunniit attaveqarfissat aqqutigalugit uku nammineerlutit paasiniarsinnaavatit:

  • Sullissinerup ingerlasarnera

  • Akigititat

  • Piffissamik inniminniiniarluni periarfissat

Malugiuk: Ussersuutit atorlugit oqaluttaasartut ilaasa piumasaaqaatigimmassuk piffissamik inniminneereernerup kingorna, piffissamik taamaatitsiniarluni nalunaarnissamut ullunik aalajangersimasunik killeqartitsinerat, piffissalu qaangerneqarpat akiliisitsineq attatiinnarneqassammat

Ussersuutit atorlugit oqaluttaasartut allattorsimaffiat:

Maja Steffens Skærlund.

Ussersuutit atorlugit oqaluttaanermik kiisalu oqaluutigaluni ussersorluni aamma kalaallisut qallunaatullu ussersuutinik pikkorissarnermik neqerooruteqartarpoq.

Sumiiffik: Nuuk
Nuummiikkaanni nutserisoq ornigulluni najuussinnaavoq, sinerissap sinnerani ungasianiit usserorluni nutserineq ingerlanneqarsinnaavoq videu aqqutigalugu

Attaveqarfissaq:
Maja Steffens Skærlund
E-mail.: majasteffens@gmail.com
Mobil.: +299 29 13 37

Tilioq- Tiliup siunnersuinissamut ussersorluni nutserisinnaasumik inniminniisinnaavoq, pisariaqartinneqassappat e-mailimut uunga allalluni ilisimatitsisoqassaaq:
info@tilioq.gl

Taava online aqqutigalugu ussersorluni nutserisinnaasumik kiisalu ataatsimiiffissamut linkimik aaqqiissuteqassapput. 
 www.tilioq.gl