Ussersuutit atorlugit ima oqalutsissarsissaatit
Ussersuutit atorlugit ima oqalutsissarsissaatit
Tusilartuuit tutsarluttuullutilluunniit ussersuutinillu atuisuullutit? Uani takusinnaavat qanoq ussersuutit atorlugit oqalutsissarsisinnaanerlutit aammalu ussersuutit atorlugit oqalutsissarsinissat pisariaqartikkukku qanoq iliussanersutit.
Ussersuutit atorlugit oqalutsimik pisariaqartitsivit?
Ussersuutit atorlugit oqalutsimik pisariaqartitsilersinnaavutit imaaliuleruit:
kommuni pisortaqarfilluunniit alla ataatsimeeqatigissagukku
nakorsiassaguit allatulluunniit peqqinnissaqarfimmi passunneqartussanngussaguit
ilinniarfeqarfiit arlaat ataatsimeeqatigissagukku
suliartussaguit
suliffissarsiorninnut atatillugu oqaloqatiginnissaguit
ataatsimiinnermi oqaloqateqarnermiluunniit peqataassaguit
inuit ataatsimoorfiini piorsarsimassutsikkulluunniit pikialaarfinni sammisassaqartitsinerni, ussersuutit atorlugit attaveqaqateqarnissami oqaluttaasoqarnissaa pisariaqartikkukku
Pisortaqarfimmik attaveqaqateqassaguit
Pisortaqarfimmik ataatsimeeqateqassaguit oqaloqateqarlutilluunniit, ussersuutillu atorlugit oqaluttaasoqarnissaa pisariaqartillugu, taava pisortaqarfiup attaveqatigiissinnaanissarsi qulakkiigassaraa.
Pisortaqarfiup attaveqaqatigineqarnissaani oqalutseqarnissaq pisariaqarpat, ussersuutit atorlugit oqalutseqartoqarnissaa illit nammineq akilissanngilat.
Pisortaqarfik ataatsimeeqatigiinnissaq pillugu attavigiuk, paasitillugulu ussersuutit atorlugit oqalutseqarnissaat pisariaqartikkit.
Pissutsini allani ussersuutit atorlugit oqalutseqarneq
Sammisassani pissutsiniluunniit allani ussersuutit atorlugit oqalutseqarnissaq pisariaqartikkukku, pisortanit ikiorsiissutinik matussusiisoqarnissaanut qinnuteqarsinnaavutit.
Ima iliussaatit
1. Piffissaliigit
Oqaloqateqarnissannut, ataatsimiinnissannut aaqqissuussamulluunniit ussersuutit atorlugit oqalutseqartoqarnissaanut pisariaqartitsininnut piffissaliussaq ulloq nalunaaqutaalu ilisimariissavatit.
2. Ussersuutit atorlugit oqaluttaasartumik ujarlerit
Kalaallit Nunaanni ussersuutit atorlugit oqaluttaasartut ilaat attavigisinnaavat.
Oqalutsi aperiuk:
piffissami kissaatigisami oqaluttaasinnaanersoq
oqaluttaanissaa qanoq akeqarnersoq
kiisalu inniminniinermi taamaatitsinermilu malittarisassat apeqqutigalugit
Ussersuutit atorlugit oqaluttaasartut allattorsimaffiat ataaniittoq takuuk.
3. Aki naatsorsuutigineqartoq paasiniaruk
Pisortanit ikiorsiissutinik matussusiisoqarnissaanut qinnuteqaleruit, aningaasartuutaasussatut naatsorsuutigineqartut pillugit paasissutissat atortussaavatit.
4. Pisortanit ikiorsiissutinik matussusiinissamut qinnuteqarit
Aningaasartuutaasussatut naatsorsuutigineqartut pillugit paasissutissat kommunimi sullissisunnut nassiutikkit. Pingaarutilik: Ussersuutit atorlugit oqalutsi aatsaat inniminnissavat, aningaasartuutissat matussuserneqarsinnaanerat akueritereerukku.
5. Ussersorluni oqaluttaasartoq inniminneruk
Aningaasartuutissat matussuserneqarnissaat akuerineqareerpat, ussersuutit atorlugit oqalutsi inniminnerneqassaaq.
Ungasianiit ussersuutit atorlugit oqalutseqarneq qanoq ingerlasarpa?
Ungasianiit ussersuutit atorlugit oqalutseqarnermi oqalutsi digitalikkut oeqataassaaq.
Uku atorsinnaavatit:
qarasaasiaq
tabletsi
iPad
atortorissaarulluunniit alla assiliissutitalik, mikrofonilik internetsimullu atassutilik
Digitalikkut ungasianiit ussersuutit atorlugit oqalutsi peqatiginissaanut linkimik nassinneqassaatit.
Ussersuutit atorlugit oqaluttaasartumik nassaarnissannut ikiortariaqarpit?
Ussersuutit atorlugit oqaluttaasartumik ujaasinermi inniminniinermilu Tilioq ikiuussinnaavoq.
Tilioq attavigiuk:
E-maili: info@tilioq.gl
Taava ussersorluni nutserisinnaasumut innersuussillunilu ataatsimiinnissamut linkimik Tilioq nassiussisinnaavoq.
Ussersuutit atorlugit oqalutsissarsiorit
Uani allattorsimaffimmi ussersuutit atorlugit oqalutsit, ungasianiit ussersuutit atorlugit oqaluttaanermik neqerooruteqartartut nanisinnaavatit.
Ussersuutit atorlugit oqaluttaasartoq uku pillugit paasiniaaffigiuk:
akigititai
piffissaatai
inniminniiffigineqartarnera
akiliinissamut piumasaqaatai
taamaatitsinermi malittarisassai
Eqqumaffigiuk: Ussersuutit atorlugit oqaluttaasartut ilai taamaatitsinissamut piffissamik killissarititaqartarmata. Kingusinaarlutit taamaatitsissaguit, akiliisitsinissaq attatiinnarneqarsinnaammat.
Maja Steffens Skærlund - Ussersuutit atorlugit oqaluttaanissamut misilitsissimasoq
Ussersuutit atorlugit oqaluttaaneq & Tegn Til Tale-mullu pikkorissaaneq aamma kalaallisut danskisullu ussersorsinnaaneq
Nuuk: Najuulluni oqaluttaasinnaanissamut periarfissaqarpoq.
Allani: Ungasianiit ussersuutit atorlugit oqaluttaasinnaasoq.
Attavissaq:
E-mali: majasteffens@gmail.com
Oqarasuaat: +299 29 13 37
Inatsit tunngaviusoq
Innuttaasutut allatuulli saaffiginninnermi oqalutseqarnissamut pisinnaatitaaffeqarputit, soorlu kalaallisuumiit danskisuumut aamma illuatungaanut nutserisoqartartoq.
Ussersuutit atorlugit oqalutseqarnermi, aningaasartuutit matussuserneqarnissaannut inatsit una tunngavigineqassaaq: