Inunnik innarluutilinnik naapisitsinermi qaratsakkut innarlernerup kingorna attaveqatigiinneq ukkanneqartoq
Ulluni 20. maajimiit 22. maaji 2026 ilanngullugu Sisimiuni Pissassarfimmi inunnut innarluutilinnut naapisitsisoqarmat inuit qaratsakkut innarlersimanerup kinguneranik attaveqarnissamut ajornakusoortitsisut qanigisaasullu naapeqatigiissinneqarput.
Imarisaa
Peqataasut qanigisaallu sineriammeersut peqataapput. Peqataasussat ilai angallannermik allanilluunniit peqquteqarlutik peqataanngitsoorput.
Peqataasut qanigisatik peqatigalugit ulluinnarni attaveqarniarnertik nukittorsarniarlugu naapeqatigiissitsinermi ilisimasassaannik sakkussaannillu tuniorarneqarput, sungiusaatinillu sammisaqartinneqarlutik. Aammattaaq qaratsakkut innarlernerup attaveqaqatinut ilaqutariittullu atuuffiit qanoq sunnertarnerai ukkanneqarput.
Ilaatigut taqqatigut milikartoornerit, qaratsakkut aanaartoornerit imaluunniit niaqqukkut ajoqusernerit kingorna attaveqarnissamut ajornakusoortitsineq pilersinnaasarpoq, tamatumalu eqqorneqartoq qaniginerpaasaalu sunnersinnaasarlugit.
Naapeqatigiissitsineq qallunaatut ingerlanneqartoq oqalutseqarluni Ph.d. audiologopædimit Jytte Isaksenimit - Videnscenter for Neurohabilitering, Rigshospitalimeersumit ingerlanneqarpoq.
Attavissaq
Pissassarfik
E-mail: pissassarfik@nanoq.gl
Oqarasuaat: 34 50 70