^{(Ammukartikkukku atorfiit allat nanisinnaavatit)}

Nuna Tamakkerlugu innarluutilinnik sullissivik Pissassarfik Kontorfuldmægtigimik pissarsiorpoq

Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu sullissivimmi nutaarluinnarmi, innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
  
Ulloq atorfiniffissaq: 1. juuli 2026 isumaqatigiissuteqareernikkulluunniit.

Atorfik pillugu
Pissassarfik kontorfuldmægtigimk allaffissornerup iluani misilittagalimmik tamakkiisumillu isiginnissinnaasumik pissarsiorpoq.

Pissassarfimmi kontorfuldmægtigitut ineriartornermut, pitsaassutsimik qulakkeerinninnermut aamma Pissassarfimmi sulianut atatillugu uppernarsaanermut tunniusseqataassaatit. Ulluinnarni pingaartumik aqutsisut pissassaasullu toqqammavileeqataaffigalugit ingerlatsinermi suleqataassaatit.

Maili aqqutigalugu, takkullutik oqarasuaatikkullu saaffiginnittut sullittassavatit. Allaffissornerullu saniatigut aningaaqarnermut aqutsineq, missingersuuserineq, IRIS-imi aamma Ledelsesinfomi akiligassiissutinut atatillugu atuiffinnut nuussinerit ilanngullugit suliarisassavatit.    

Saniatigut pissassariarnissamut qinnuteqaatinik tigusinerit ataqatigiissaarneri aamma paasissutissat pissassaasunut pitsaasumik eqqortumillu ingerlateqqinnissaat akisussaaffigissavatit. Pissassaasut suleqatigalugit innuttaasut pissassarnerannik, pikkorissarnernik aamma naapisitsinernik, bellitsinik pisinerit angalanissallu ilanngullugit ataqatigiissaarissaatit.

Atorfik aningaasqarnermut allaffissornermullu aqutsiffiusoq namminersorfiusumik akisussaaffittaqarpoq, tamakkiisumik isiginnissinnaanermik, ilusilersuisinnaanermik aamma pitsaasumik suleqatiginnissinnaanermik piumasaqaateqarfiuvoq.

Naatsorsuutigaarput:

• Allaffimiutut ilinniagaqartuunissat
• IT-mi atuinermik, IRIS aamma Ledelsesinfo ilanngullugit ilisimasaqartutit
• Kisitsisilerinermut misilittagaqartutit aningaasanillu aqutsinermut tunngaviusumik ilisimasaqartutit
• Ilusilersorluakkamik, torersumik peqqissaartumillu suleriuseqartutit
• Alapernaatsumik namminersortumillu suliassannik akisussaaffilimmik tigusisinnaasutit
• Ammasumik akimortumillu suleqatigiiffimmi akuulluarsinnaasutit
• Pitsaasumik utertitsiviginninnermut aamma sulianik ilisimasalinnik akimortumik avitseqatigiinnermut tunniusseqataasinnaasutit
• Suliffiup avatangiisitigut nuannersuutinnissaanut atugarissaarfiunissaanullu sunneqataassasutit
• Kalaallisut danskisullu oqaluttariarsornermi allattariarsornermilu piginnaasaqartutit

Neqeroorutigivagut:

• Atorfik pissanganartoq siammasissorlu, sulianik ilisimasalittut tunniusimaffiullunilu namminersornermik akisussaaffeqarfilik.
• Atorfik inuit innarluutilinnik sullissinermut atatillugu ineriartortitsinermut sunneeqataanissamut tunniusseqataanissamullu periarfissaqarluartoq
• Atorfik isumalimmik siunertalik, inuit innarluutilinnik sullissineq aqqutigalugu anguniakkanik naammassinniffiusoq aamma sulianik ilisimasalittut misilittakkanik nukittorsaasoq

Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras.: +299 34 50 78
E-mail: naja@nanoq.gl

Ulloq qinnuteqarfissap killinga 12. maaji 2026

Oqaloqatiginninnerit sapaatip akunnera 20. imal. 21-imi ingerlanneqarnissaat ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut, qanimut oqaloqatigiinnertut imaluunniit videokonference atorlugu ingerlanneqassallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

_________________________________________________________________________________________________________________________________

Nuna Tamakkerlugu innarluutilinnik sullissivik Pissassarfik oqallorissaasumik pissarsiorpoq

Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu sullissivimmi nutaaliaasumi qaasuitsup killeqarfiata avannaani inissisimasumi, innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
Ulloq atorfiniffissaq: 1. juuli 2026 imaluunniit isumaqatigiissuteqareernikkut.

Atorfik pillugu
Pissassarfik oqallorissaasumik Kalaallit Nunaanni piginnaanngorsaqqiinerup iluani kivitseqataarusuttumik pissarsiorpoq.
Inuit innarluutillit ukiui apeqqutaanatik piginnaanngorsaqqinnissamik pisariaqartitsisut sullitaraagut.
Pissassarfimmi oqallorissaasutut innuttaasup pisariaqartitai qitiutissavatit, kiisalu innuttaasoq oqalussinnaanerminik, nipiminik attaveqarniarnerminillu pilersitseqqinniarneranik imaluunniit pitsanngorsaaniarneranik tapersersorlugu.
Ulluinnarni sulianut ilaapput oqalunnikkut oqaatsitigullu ajornartorsiutinut tunngatillugu misissuineq, qulaajaaneq, naliliineq sungiusaanerlu, allaffissornikkut suliassat kiisalu innarluutilinnik, qanigisaasunik, sulisunik suleqatigisartakkanillu naapertuuttunik allanik siunnersuineq ilinniartitsinerlu.
Atorfik angalanertaqartarsinnaavoq.
Naatsorsuutigaarput:

• Oqalunniarnikkut tusaaniarnikkullu oqallorissaasutut, Audiologopæd imaluunniit Logopæd ilinniagaqarnissat.
• Alapernaassuseq, nammineersinnaaneq akisussaaffimmillu pimoorussisinnaasutit.
• Inuttaasoq peqatigalugu kajungilersitsineq sungiusarnerullu anguniarnissaanut piareersaaneq aamma oqallorissaanerit ingerlassinnaagitit.
• Ammasuunissat suleqatigiinnilu suliat tapertariisillugit suleqateqarluarsinnaasutit.
• Ammasumik akimortumillu suleqatigiiffimmi akuulluarsinnaasutit.
• Innuttaasunut, qanigisaasunut, sulianut aalajangersimasunut sulialinnut il. il. siunnersuilllutillu ilitsersuisinnaanissat.
• Suliffiup avatangiisitigut nuannersuutinnissaanut atugarissaarfiunissaanullu sunneqataassasutit.
• Atuisutut IT-mik ilisimasaqassasutit.

Pitsaaqutaassaaq:
Oqallorlerneq oqalussinnaajunnaarsimasunillu CI-implant misilittagaqareersimaneq iluaqutaassaaq.
Kalaallisut danskisullu marluinnik oqaaseqartuunissat iluaqutaassaaq.
Neqeroorutigivagut:

• Atorfik pissanganartoq siammasissorlu, sulianik ilisimasalittut. tunniusimaffiullunilu namminersornermik akisussaaffeqarfilik.
• Atorfik inuit innarluutilinnik sullissinermut atatillugu ineriartortitsinermut sunneeqataanissamut tunniusseqataanissamullu periarfissaqarluartoq.
• Atorfik isumalimmik siunertalik, inuit innarluutilinnik sullissineq aqqutigalugu anguniakkanik naammassinniffiusoq aamma sulianik ilisimasalittut misilittakkanik nukittorsaasoq.

Kalaallit Nunanni imminut ilinniakkannullu tunngatillugit ineriartortitsinissannut sapiissuseqarpit? Taava illit tassaavutit taanna suleqatitaassarput
Sullissivik Sisimiuniippoq, Kalaallit Nunaanni illoqarfiit annersaat 5.600 miss. inuttussusilik. Sisimiut sunngiffimmi kusanarluinnartumik aasaanerani ukiuuneranilu sammisassanik avatangiisigissaartoq, soorlu qimusserneq, sisorarneq, nunakkut pisunneq unnuiartornerlu. Video takuuk - link

Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl, annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras. +299 34 50 78
E-mail: naja@nanoq.gl

Ulloq qinnuteqarfissap killinga: 19. Maaji 2026
Oqaloqatiginninnerit sapaatip akunnera 21. imal. 22.-ani ingerlanneqarnissaa ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut, qanimut oqaloqatigiinnertut imaluunniit videokonference atorlugu ingerlanneqassallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.