Atortut ikiuutit
Pissassarfiup sulisui atortut ikiuutit pillugit innuttaasunut, qanigisaasunut sullisisunullu siunnersuillutillu ilitsersuisarput killiffik aallaavigalugu mailikkut imaluunniit oqarasuaatikkut. Immikkut naliliineq, atortut ikiuutit qanoq atorneqarnissaannut naleqqussaaneq siunnersuinerlu pissassarnermut atatillugu ingerlanneqarsinnaavoq.
Atortut ikiuutit pillugit qanoq siunnersorneqarsinnaanerit sukumiinerusumik paasisaqarfigiuk saamiuip tungaani iserfissaq iserfigalugu: "Innuttaasunut, qanigisaasunut aamma suliassamut immikkut ilinniarsimasunut siunnersuineq."
Inatsit tunngaviusoq:
Inatsisit ’Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq´ naapertorlugu inummut innarluutilimmut atortunik ikiuutinik pisaarniaraanni taava aningaasanik taperserneqarnissaq pisariaqarpoq atortoq ikiuut ukununnga tunngassuteqarpat, takuuk ’uunga ilitsersuut Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq’;
- inuup innarluutaanut pineqartumut annertuumik iluaqusiisinnaappat
- inuup pineqartup ulluinnarni inuuneranut oqilisaataasinnaappat, imaluunniit
- inummut pineqartumut inuussutissarsiorneranut pisariaqarpat
Malugiuk Pissassarfiup ikiorsiiniutit pillugit aalajangiisinnaananilu atortunik ikiuutinik tunniussisinnaanngilaq. Kommunerisat aamma sullissisut taakkuupput aningaasaliissutinut aalajangiisussat.
Linkini tulliuttuni atortut ikiuutit pillugit atuarlutit, isumassarsiorlutillu paasisassarsiorsinnaavutit aamma ilitsersuutit nassaarisinnaavatit:
Atortoq ikiuut inuup piginnaasaagut pitsaanerpaaffianiisikkumallugu innarluuteqarnermi unammillernartitat annikillisillugit iluaqusissavaa. Arlalinnik assigiinngitsunik atortunik ikiuutinik pissarsisoqarsinnaavoq soorlu timikkut eqqarsartaatsikkulluunniit innarluutilinnut.
Atortussaq ikiuut soorlu: issiavik assakaasulik (kørestol), uffarnermi issiavik, rollatori, perusuersartarfimmi atortoq (issiavittaa qullarlugu), maluginiutit sunniiviginiarlugit qipiit, allarpassuillu.
Ataani nittartakkani allassimasuni ikiuutit assigiinngitsut pillugit isumassarsiorlutillu ilisimasaqalersinnaavutit:
HMI-basen nittartagaq qallunaatuujuvoq atortut ikiuutit pillugit aallerfiusinnaasoq;
http://www.hmi-basen.dk/
Uani nittartakkami aamma isumassarsiorfigisinnaavatit atortut ikiuutit immikkut toqqakkanut tunngasut, sullitat aaliangersimanerusut eqqarsaatigalugit soorlu ADHD, autisme, inunnguuserinagu qaratsakkut innarlerneqarsimasunut isiginiarnermikkullu innarluutilinnut.
Hjelpemiddeldatabasen taanna tassaavoq norskit atortut ikiuutit pillugit nittartagaat;
http://www.hjelpemiddeldatabasen.no/
Issiaviit kaassuartakkat
Issiaviit kaassuartakkat siunertarivaat nammineernerulernissap annertusinissaa aamma ikiuutaanissaa inummut innarluutilimmut ataavartumik pisussinnaajunnaarnermik nalaataqartumut.
Issiavik kaassuartagaq immikkut suliaavoq atortoq ikiuut, tamanna ima isumaqarpoq, issiavik kaassuartagaq inuup uuttuutaanut pisariaqartitaanullu naleqqussagaassasoq.
Issiavik kaassuartagaq inummut naleqqussarneqarsimanngippat ajortumik inissisimanerlutsitsilersinnaavoq sulilu annertunerusumik unammillernartoqalersitsisinnaalluni inummut innarluutilimmut. Aamma naleqqutinngitsumik pilertoqarsinnaavoq inummut innarluutilimmut navianartorsiortitsisinnaasumik.
Taamaattumik pingaaruteqarpoq issiavik kaassuartakkap uuttortarneqarnissaa inuk innarluutilik aallaavigalugu aamma nalilersorneqassaaq suut issiavimmut kaassuartakkamut piumasaqaataanersut, ulluinnarni inuup pisariaqartitaanut naleqquttuutinniarlugu.
Issiavik kaassuartagaq aningaasaliiffigineqarniarpat, ima iliortoqassaaq:
- Inuk uuttortarneqassaaq (issiatillugu)
- Inuup piginnaasai nalilersorneqassapput
- Inuup avatangiisimigut atugai qanoq innersut naliliiffigineqassapput
- Inuup ulluinnarni sammisartagai nalilersorneqassapput
Uana toorlugu uuttortaanermut Ilitsersuut PDF-filiusoq aajuk:
Issiavik kaassuartakkamik atuisussamillu uuttortaaneq
Sooq qulaani allassimasut nalilersornissai pisariaqarpa?
Inuit tamarmik assigiinngillat, aamma nammineq ulluinnarni aalajangersimasumik periaaseqartarput. Inuk innarluuteqaleruni imaluunniit timikkut innarluuteqaruni atortumillu ikiuummik pisariaqartitsilluni, pingaaruteqarpoq inuup ulluinnarisaanut periaasaanullu tulluuttumik atortumik ikiuummik toqqaanissaq.
Assersuutigalugu issiavik kaassuartakkamik aningaasaliissuteqarnermi imaluunniit inniminniilernermi pingaaruteqarpoq isiginiassallugu issiaviup kaassuartakkap atuussinnaassusaata inuup ulluinnarni suliarisartagaanut naleqquttuunissaa. Taassuma saniatigut aamma pingaaruteqarpoq issiavik kaassuartagaq eqqortumik timip ilusaanut inissisimalluartitsilluni atuuteqarnissaa, assersuutigalugit akisaasaq igiffissiaq aamma allat ikiuutit atortut,
Pissassarfiup sulisui killiffik aallaavigalugu atortut ikiuutit pillugit siunnersuisarput aamma ilitsersuisarput maili oqarasuaallu aqqutigalugit. Atortut ikiuutit pillugit immikkut naliliinerit, naleqqussaanerit siunnersuinerillu pisinnaapput Pissassarfimmi pissassarnermi.
Issiaviit kaassuartakkat assigiinngitsut:
|
Suussuseq |
Nalilersuinermi tunngavissat |
Siunertaq |
|
Assartuut issiavik kaassuartagaq
(Transport kørestol) |
|
|
|
Assaat atorlugit issiavik kaassuartagaq (Manuel kørestol) |
|
|
|
Issiavik kaassuartagaq atoruminartoq
(Komfortkørestol) |
|
|
|
Issiavik kaassuartagaq immikkut naleqqussagaq
(Specialtilpasset kørestol) |
|
|