Issiaviit kaassuartakkat siunertarivaat inuup innarluutillip ataavartumik pisussinnaajunnaarnermik nalaataqartup nammineernerulernissaata annertusinissaa aamma ikiuutaanissaa.
Issiavik kaassuartagaq immikkut suliaavoq atortoq ikiuut, tamanna ima isumaqarpoq, issiavik kaassuartagaq inuup uuttuutaanut pisariaqartitaanullu naleqqussagaassasoq.
Issiavik kaassuartagaq naleqqussarneqarsimanngippat inummut innarluutilimmut ajortumik inissisimanerlutsitsilersinnaavoq sulilu annertunerusumik unammillernartoqalersitsisinnaalluni. Naleqqutinngitsumillu pisoqarsinnaavoq inummut innarluutilimmut navianartorsiortitsisinnaasumik.
Taamaattumik pingaaruteqarpoq inuup innarluutillip ulluinnarni pisariaqartitaanut naleqquttuutinniarlugu inuk aallaavigalugu issiavik kaassuartakkap uuttortarneqarnissaa, aamma nalilersorneqassaaq suut issiavimmut kaassuartakkamut piumasaqaataanersut.
Pissassarfiup Küschall suleqatigalugu issiavik kaassuartakkamik atuisussamillu uuttortaanermut ilitsersuut kalaallisut nutsersimalerpaa. Pissassarfimmit neriuutigivarput innuttaasunut innarluutilinnut sullissisunullu iluaqutaalluarumaartoq.
Linki tulliuttoq toorlugu issiaviit kaassuartakkat pillugit paasissutissat aamma ilitsersuut takukkit:
Issiaviit kaassuartakkat & uuttortaaneq