Sammisaq: Inersimasut ADHDqartut
Piffissami: Sap. Ak. 42. Ulluni: 16.- 17.- 18. Oktoberi 2024
Sumiiffissaq: Pissassarfik Sisimiut
Peqataasinnaasut: 20
Sullinniakkat: Inuit innarluutillit naapeqatigiissinneqarnissaat nuna tamakkerlugu neqeroorutaavoq, ukiarneranilu Inersimasut ADHD-qartunut neqeroorutaavoq.
Qinnuteqarfissaq: 01. Septembari 2024 (Qinnuteqarfissaq ulloq qaangiutereerpoq)
Malugiuk: Qinnuteqarfissap ullua qaangiuppat aatsaat naapeqatigiissitsinermut peqataasussat nalunaarfigineqassammata.
SIsimiuni innuttaasunut qinnuteqarnermut ulloq killiliussaq sivitsorpoq: 4. oktobari 2024
Naapeqatigiinneq:Kalaallisut ingerlanneqassaaq
Nassuiaat:
ADHD-qarluni inersimasunngoreerluni ulluinnaat inuuniarnerlu assigiinngitsutigut sunnerneqartarpoq, imminullu paasilluarnissaq; minnerunngitsumillu avatangiisinit paasineqarnissaq pingaaruteqarpoq. Ilaatigut makku ilisimatuussutsikkut misilittakkatigullu ilisimasat sammineqassapput:
- ADHD-qarluni inersimasunngoreerluni qanoq inissisimanarpa?
- Paasiaarsimagaanni paasiaarsimanngikkaannilu suunuku sunniutaasartut?
- ADHD qaratsatsinni sunaava, suut sunniutaappat?
- ADHD nammineq atugaralugu qanoq ippa?
Saniatigut sammineqassapput ADHD inuiaqatigiinni isornartorsiuisumik isiginninneq, apeqqutissaasinnaasut isiginnittariaatsillu allat matussuserlugit. Minnerunngitsumillu ADHD-qarluni inersimasunut sakkussat eqqartorneqassapput.
Naapeqatigiissitsineq Niina Petersen Isaksen Tarnip pissusaanik immikkut ilisimasalik / psykologi suleqatigalugu ingerlanneqassaaq.
Naapeqatigiissitsineq saqqummiineqarlunilu oqallinneqartussaammat peqataasussat ulluinnarni eqqarsartaatsikkut timikkullu nammineersinnaanerannik piumasaqaataavoq.
Naapeqatigiissitsinermilu ulloq kingulleq ataatsimut nereqatigiittoqassaaq.
Sisimiuni innuttaasunut peqataanissamut qinnuteqarnermi immersugassaq aajuk:
Immersugassaq
Nassiussiffissaq: pissassarfik@nanoq.gl
Naapeqatigiisitsinissamut neqeroorut PDF-filiusoq aajuk:
Inersimasunut ADHD-qartunut Nuna Tamakkerlugu inunnik innarluutilinnik Pissassarfimmi naapeqatigiissitsinissamut peqataanissamut neqeroorut.
Angalaneq aningaasartuutillu:
Illoqarfimmit allamit peqataasussat naapeqatigiinnissap allartiffissaa ullormik sioqqullugu tikissapput, naapeqatigiissitsinerlu naammassippat aqaguani aallaqqillutik.
Taamaakkaluartoq angalatitsivinnit ullut angallavissat apeqqutaallutik tikiffissat aallarfissallu allaanerusinnaapput.
Najukkamiit Sisimiunut uterlugulu bilitsi, naapisitsinermilu ineqarneq nerisaqarnerlu Pissassarfimmit akilerneqassapput.
Angalanermi aningaasartuutit assersuutigalugu taxarneq ullormusiallu Pissassarfimmut attuumassuteqanngillat.
Malugeqquneqarpoq bilitsit akikinnerpaat allanngortinneqarsinnaanngitsut atorneqarumaarmata. Peqataasussat, bilitsit inniminnerneqareersut akuerineqareernerisa kingorna taamaatiinnartut allannguiniarnerannulluunniit aningaasartuutaasinnaasut namminneq nammattariaqassavaat.
Apeqqutissaqarnermi attavissat:
pissassarfik@nanoq.gl imal. oqaras. 34 50 70.