Sammisaq: Atuarfinni meeqqat immikkut pisariaqartitsisut
Piffissami: Sap.ak. 41, ulluni 08.-09.-10. oktobari 2025
Sumiiffissaq: Pissassarfik, Sisimiut
Peqataasinnaasut: 20
Sullinniakkat: Atuarfimmi suliassanut immikkut ilinniarsimasunut
Qinnuteqarfissaq: Kingusinnerpaamik 29. aggusti 2025
Pikkorissaaneq: Pikkorissaaneq danskisut ingerlanneqassaaq oqalutseqassallunilu
Akia: Pikkorissarneq, angalaneq ineqartitaanerlu akeqanngillat
Nassuiaat:
Meeqqat eqqarsartaatsikkut peqqissuunissaat atugarissaarnerinut peqissuunissaannullu pingaaruteqarluinnartuuvoq. Ukiuni kingullerni meeqqat inuusuttullu atugarissaarnerat peqqissusaallu eqqumaffiginiarneqarnerulersimavoq. Pingaartumik meeqqat inuusuttullu immikkut pisariaqartitsisut akornanni, atugarissaarneq peqqinnerlu unammillernartoqarfiusoq takuneqarsinnaammat.
2020-mi nalunaarusiaq “KALAALLIT NUNAANNI MEEQQANUT INUUSUTTUNULLU ATUGARLIORTUNUT, PITSAANERUSUMIK SULINIUTEQARNISSAQ PILLUGU KALAALLIT QALLUNAALLU OQARTUSSAASOQARFIISA ASSIGIINNGITSUNIK SULIALLIT AKORNANNI SULEQATIGIINNEQ”, Naalakkersuisut aamma danskit naalakkersuisui Kalaallit Nunaanni meeqqat inuusuttullu atugarliortut atugaannik pitsanngorsaaqataasussaapput.
Kalaallit meerartai 1/3 -ii (pingajorarterutai) assigiinngitsunik patsiseqartumik atugarliuuteqartut, nalunaarusiami erserpoq.
Meeqqat atugarissaarnissaat peqqissusaallu pingaartinnerullugit qaratsap qanoq sananeqaatimigut sunnerneqartarnera, perorsagaanikkut inooqataanikkullu pissutsit isigalugit ersarissumik pikkorissaanermi uani saqqummiunneqassapput.
Ima paasillugu, meeqqat inuusuttullu atugarissaarnissaat pitsanngorsarusukkutsigit, taava qaratsamut atugarliuutit kingunerisinnaasai, meeqqat imminnut naleqartinneri, nuannaarnerat neriuutaallu qanoq tapersersussanerlutigit ukkannerusariaqaripput, kiisalu aamma peqqinneq atugarissaarnerlu qaffassarniarutsigit avatangiisit qanoq periarfissaqartiginerat ukkattariaqaripput.
Pikkorissaanermissaaq eqqarsartaatsip timimut qanoq sunnerneqartarneri iserfigineqassapput – misigisatta qanoq qaratsatsinnut timitsinnullu sunniuteqartarneri. Sooq ilorrisimaarunnaaraangatta naarlulertoqartarnersoq, toqqissisimajunnaartoqartarnersoq, anersaartornikkut ajornartorsiulertoqar-tarnersoq, uummammik kasuttoortoqartarnersoq sinnarluttoqartarnersorlu sammissavarput. Timimik atuinikkut, nuannersumik pitsaasumillu attuumassuteqarneq aqqutigalugit, unammilligassat taakku qanoq iliuuseqarfigineqarsinnaaneri aamma sammissavagut.
Aamma ADHD-eqarnermi, avatangiisinik misigissutsinillu paasiuminaatsitsisarnermi (autisme) -qarnermi, annilaangalersarnermilu sianiutit nukiillu atuuffiinik ilisimasaqarnerup iserfigineratigut qaratsamut sunniutigisartagai – taavalu taakku unammilligassat pillugit siammasissumik paaseqatigiinnitsigut, meeqqat immikkut pisariaqartitsisut qanoq pitsaanerusumik atugarissaarnerulernissaannik ikiorsersinnaanerlutigit iserfigissavarput.
Qaratsap ilaani immikkut pingaarutilinnut ilikkartarnitsinnut, eqqarsartaatsikkut silassorissutsimik naammassisaqarsinnaanitsinnut eqqarsartaatsikkullu inissisimanermik paasinnissinnaanitsinnut, atugarissaarnikkut eqqarsartaatsikkullu peqqissuunerup sunniutigisartagai immikkorluinnaq ukkanneqassapputtaaq.
Pikkorissaaneq ilisimasassanik sungiusaanertalimmik imaqartillugu ingerlanneqassaaq, timimillu atuineq aammalu pitsaasumik attaveqarneq atorlugit qanoq meeraq atuarfimmi ikiorsinnaanerlutigu ersarissumik ukkatarissavarput.
Siunertaq:
Sianiutit nukiillu atuuffiinik ilisimatusarneq ilikkartarnermut, ilorrisimaarnermut, eqqarsartaatsikkut silassorissutsimik naammassisaqarsinnaassusermillu naleqqussaasinnaanermut eqqarsartaatsikkullu inissisimanermik paasinnissinnaanermut pisariaqartinneqartoq pillugu, ilinniartitsisut sukumiisumik paasisimasaqalernissaat pikkorissarnerup siunertaraa.
Ilinniartitsisullu sianiutit nukiillu atuuffiinik ilisimatusarnermik paasisimasaqalernissaat, taamaalillutillu maanna piffissarlu ungasinnerusoq eqqarsaatigalugu, meeqqat ilaqutaasalu ikiornissaannut sakkussaqalernissaat pikkorissarnermi aamma siunertaavoq.
Pikkorissaasoq:
Pernille Thomsen, socialpædiatriskimi fysioterapeutiullunilu sundhedspædagogikkimi mesteriuvoq. Pernillefys-imik piginnittuuvoq atuakkanullu ukununnga atuakkiortuulluni:
“Du skal huske at fodre din søhest”, “Børns mentale sundhed, når nervesystemet er på overarbejde” aamma “Sundhed og trivsel for børn og voksne med udviklingshandicap”.
Pikkorissarnissamut neqeroorut pdf-iusoq aajuk:
Atuarfinni suliassanut immikkut ilinniarsimasunut meeqqanik immikkut pisariaqartitsisunut sulialinnut pikkorissarnissamik neqeroorut
Qinnuteqarneq:
Peqataaniarluni nalunaarneq online aqqutigalugu immersugassaq sap. ak. 8 naalernerani maana saqqummissaaq/SAQQUMMERPAT QINNUTEQARLUARINA
Qinnuteqarnermi akissutissarsinissaq:
Piffissaq qinnuteqarfissarititaasup qaangiunnerani sapaatip akunnerata kingorna akissutissarsisoqassaaq.
Angalaneq, ineqarneq, nerisaqarneq, ullormusiat aningaasartuutillu:
Pikkorissarneq, angalaneq ineqartitaanerlu akeqanngillat.
Angalaneq billetsilu:
Illoqarfimmit allamit peqataasussat pikkorissarnerup aallartiffissaa ullormik sioqqullugu tikissapput, pikkorissarnerlu naammassippat aqaguani aallaqqissallutik.
Taamaakkaluartoq angalatitsivinnit ullut angallavissat apeqqutaallutik, tikiffissat aallarfissallu allaanerusinnaapput.
Malugiuk: billetsit akikinnerit allanngortissinnaanngitsullu atorneqassapput. Taamaammat billetsinik inniminneriikkanik allannguinermi taamaatitsinermiluunniit, Pissassarfiup angalanermut aningaasartuutai peqataasussap sulisitsisuata matussusissavai.
Najugaqarfissaq:
SØMA
Nerisaqarneq:
Ulluni pikkorissarfiusuni, peqataasut takkullutik Pissassarfimmiinneranni unillatsiarnerni tamussius-sassat aamma ulloqeqqasiutissat Pissassarfiup isumagissavai, ullaakkorsiorneq SØMA-mi ineqarnermut ilaareerpoq. Unnukkorsiorneq Pissassarfimmut attuumassuteqanngilaq.
Ullormusiat aamma aningaasartuutit:
Atorfeqartup aningaasarsiai ullormusiassaalu sulisitsisup matussusissavai.
Malugiuk: Pikkorissariartussaq ullormusiat pillugit apeqqutissaqaruni nammineq pisortarisani qaninneq saaffigissammagu. Billetsimut najugaqarnissamullu aningaasartuutit Pissassarfiup matussusissavai. Najukkami angallatsilluni mittarfiliaanneqarnermiit ornitassami apuuffigisassamut, allallu aningaasartuutaasut soorlu errorsineq Pissassarfimmut attuumassuteqanngillat.
Apeqqutissaqartoqarpat uunga apeqqutigineqassapput:
pissassarfik@nanoq.gl imalt. oqarasuaat. 34 50 70