Sammisaq: Timimi sianiutit pissusaannut tunngasoq/-sut
Piffissami: Sap. akunnera 15, ulluni: 09.-10.-11. apriili 2025
Sumiiffissaq: Pissassarfik, Sisimiut
Peqataasinnaasit: 20
Sullinniakkat: Qaratsami taqqatigut milikartoornermik, aanaartoornermik imaluunniit ajutoornerup kingunerisaanik qaratsakkut innarlisimasunut tapersersortit.
Qinnuteqarfissaq: Kingusinnerpaamik ulloq 26. februaari 2025
Pikkorissaaneq: Pikkorissaaneq danskisut ingerlanneqassaaq. Oqalutsimik najuuttoqassaaq
Nassuiaat:
Inuit inersimasut innarluuteqalertarnerinut qaratsakkut innarlersimaneq peqqutaagajuttarpoq inersimasuni qaratsakkut innarlersimanerit qaratsami taqqatigut milikartoornermik imaluunniit aanaartoornermik tamatigut peqquteqartumik pilersarpoq, imaluunniit ajutoortoqarsimatillugu qarasaq akornuserneqartarpoq.
Qarasaq sunut tamanut suliaqarnitsinnut peqataasarpoq. Qaratsakkut innarlersimanermi akuttunngitsumik annertuumik piginnaasatigut annikillisimaneq oqalunniarnikkullu ajornartorsiuteqalernerup kingunerisaanik malitsiqartarpoq, kisianni aamma qaratsakkut innarlersimanermi pissusilersuutitsigut allanngornermik kingunerluutaasinnaalluni, sumiiffimmik aamma aqqutissamik ujartuinermik piginnaaskillisimaneq, ulluinnarnilu iliuuseqarnissamut piginnaasatigut allannguuteqarneq. Inuit amerlasuut qaratsakkut innarlersimasut annilaaganermik amma isummakkut nanertisimaneq tarnimikkut qisuariaatitut misigisarpaat.
Ulluinnarni inunnik qaratsakkut ajoqusersimasunik sullissisuulluni apeqqut imaattoq takkuttarpoq, qaratsakkut ajoquteqalerneq pissusilersuutillu allanngortarneri qanoq ilillutik imminnut ataqatigiippat? Eqqugaasoq ilaqutaasullu qanoq ilillutit pitsaanerusumik ikorfartorsinnaavigit? Inuit oqalunniarnikkut ajornartorsiuuteqartut imaluunniit pissusilersuutitigut ajornartorsiuuteqartut qanoq atassuteqarfigineqarsinnaappat?
Siunertaq:
Qaratsap qanoq atuuteqarneranik aamma nappaatit qaratsamut qanoq sunniuteqartarneri pillugit pikkorissartitsinermi erseqqissumik paasisaqarnissat siunertaavoq. Aammattaaq qaratsakkut innarlersimanerup kingunerisaanik ersiutit nalinginnaasut pillugit aamma inunnik qaratsamigut innarlersimasunik ulluinnarni sullissininni sapinngisamik qanoq ikorfartuisinnaanissannut attaveqarsinnaanissannullu siunnersuutinik ilitsersuunneqassaatit.
Pikkorissaasut:
Ane Norup. Ph.d. Specialist i klinisk neuropsykologi, & Jytte Isaksen, Ph.d., audiologopæd, Videnscenter for Neurorehabilitering, Rigshospitalet, Glostrup.
Pikkorissarnissamut neqeroorut pdf-iusoq aajuk:
Tapersersortit innuttaasunut qaratsamikkut ajoqusersimasunut sullissisuusunut pikkorissarnissamik neqeroorut
Qinnuteqarneq:
Peqataaniarluni nalunaarneq online aqqutigalugu ingerlanneqassaaq. Linki tulliuttoq toorlugu qinnuteqarit:
Nittartagaq online aqqutigalugu immersuineq
Qinnuteqarnermi akissutissarsinissaq:
Piffissaq qinnuteqarfissarititaasup qaangiunnerani sapaatip akunnerata kingorna akissutissarsisoqassaaq.
Angalaneq, ineqarneq, nerisaqarneq, ullormusiat aningaasartuutillu:
Pikkorissarneq, angalaneq ineqartitaanerlu akeqanngillat.
Angalaneq billetsilu:
Illoqarfimmit allamit peqataasussat pikkorissarnerup aallartiffissaa ullormik sioqqullugu tikissapput, pikkorissarnerlu naammassippat aqaguani aallaqqissallutik.
Taamaakkaluartoq angalatitsivinnit ullut angallavissat apeqqutaallutik, tikiffissat aallarfissallu allaanerusinnaapput.
Malugiuk: billetsit akikinnerit allanngortissinnaanngitsullu atorneqassapput. Taamaammat billetsinik inniminneriikkanik allannguinermi taamaatitsinermiluunniit, Pissassarfiup angalanermut aningaasartuutai peqataasussap sulisitsisuata matussusissavai.
Najugaqarfissaq:
SØMA
Nerisaqarneq:
Ulluni pikkorissarfiusuni, peqataasut takkullutik Pissassarfimmiinneranni unillatsiarnerni tamussiussassat aamma ulloqeqqasiutissat Pissassarfiup isumagissavai, ullaakkorsiorneq SØMA-mi ineqarnermut ilaareerpoq. Unnukkorsiorneq Pissassarfimmut attuumassuteqanngilaq.
Ullormusiat aamma aningaasartuutit:
Atorfeqartup aningaasarsiai ullormusiassaalu sulisitsisup matussusissavai.
Malugiuk: Pikkorissariartussaq ullormusiat pillugit apeqqutissaqaruni nammineq pisortarisani qaninneq saaffigissammagu. Billetsimut najugaqarnissamullu aningaasartuutit Pissassarfiup matussusissavai. Najukkami angallatsilluni mittarfiliaanneqarnermiit ornitassami apuuffigisassamut, allallu aningaasartuutaasut soorlu errorsineq Pissassarfimmut attuumassuteqanngillat.
Apeqqutissaqartoqarpat uunga apeqqutigineqassapput:
pissassarfik@nanoq.gl imalt. oqarasuaat. 34 50 70