Nuna tamakkerlugu inunnik innarluutilinnik naapeqatigiisitsinissami peqataanissamut neqeroorut.
Sammisaq:Timikkut piginnaasakillinermi timikkullu annaasaqarnerup kingunerisaanik tarnikkut kingunerluutaasinnaasut.
Sullinniakkat:
Inuit innarluutillit inersimasut assersuutigalugu timikkut piginnaasakillisimasut, qaratsakkut aanaartoorsimasut milikartoorsimasut, isigiarsuttunngorsimasut/tappingersimasut imalunniit timikkut arlaatigut annaasaqarsimasut.
Uani pineqanngillat ersinngitsumik innarluutillit tarnikkulluunniit nappaatillit.
Naapeqatigiisitsinermi siunertaq:
Inuunermi pinngitsoqarata aqqusaagassaqarpugut sakkortusinnaasunik inuunitsinnik allannguisumik, qisuariaatsillu assigiinngitsut amerlasinnaapput. Tarnikkut qisuariaatsit eqqartorneqarumaarput, oqaasinngueqatigiinneq nuannaarsaqatigiinnerlu pisarumaarput.
Qisuariarneq – imminut suliarineq – akuersineq – iperaaneq – inuttut ingerlaqqinneq.
Naapeqatigiisitsineq psykoterapeut Elisabeth P. Wille suleqatigalugu ingerlanneqarumaarpoq. Naapeqatigiisitsineq Kalaallisut ingerlanneqassaaq.
Naapeqatigiinneq ingerlanneqassaaq:
Sap. Akunnera 19, ulluni 9. – 11. Maaji 2023.
Sumiiffik:
Pissassarfik, Sisimiut.
Peqataasussat amerlassusaat:
30
Naapeqatigiinnissamut qinnuteqarnermi ulloq killigititaq:
Kingusinnerpaamik ulloq 7. apriili 2023.
Qinnuteqaat E-mailikkut uunga nassiunneqassaaq:
pissassarfik@nanoq.gl
Naapeqatigiinnissaq pillugu allaaserisaq tamakkiisoq uani PDF-filiusoq atuaruk aamma aajuk:
Nuna tamakkerlugu inunnik innarluutilinnik naapeqatigiisitsineq.
Naapeqatigiinnissamut qinnuteqarnermut immersugassaq PDF-fili uani aajuk:
Immersugassaq Nuna tamakkerlugu inunnik innarluutilinnik naapeqatigiisitsineq.
Innarluutilinnik naapeqatigiisitsinissaq pillugu paasisaqarnerujumallutit Pissassarfik attavigiuk.