Malungiuk: Tapersersortimik peqataasoqassappat, immersugassap immersunnginnerani tapersersortaasup pisortarisaa qaninneq paasitinneqareersimassaaq peqataatitsinissamullu akuersisimassalluni.

Peqataajumalluni qinnuteqarneq online aqqutigalugu ingerlanneqassaaq.
Linki tulliuttoq toorlugu qinnuteqarit:

Nittartagaq online aqqutigalugu immersuineq

Nassuiaat:
Naapeqatigiissitsineq tarnip pissusiinik ilisimasalik autorisatiunilik, namminerlu tusilartuusoq Ditte Gaarde Zohnesen suleqatigalugu ingerlanneqassaaq. Naapeqatigiissitsineq tusilartunut aaqqissuussaavoq, ussersuutillu atorlugit ingerlanneqassalluni.

 Naapeqatigiissitsinermi siammasissumik sammineqassaaq inuit imminnut sunniiveqatigiittarneri sianissutsikkut aamma pissusilersuutitigut, tarnillu pissusiinik ilisimasallip qanoq atorsinnaaneranik ilisimasaqalerneq. Tamakku saniatigut sammisat iserfigissavagut, soorlu imminut naleqartinneq imminullu tatigineq, imminut tatigaluni tunuarsimaarani attaveqaqatigeeriaaseq, annilaanganeq aliasunnerlu, kiisalu taakku qanoq aqussinnaanissaanut siunnersuutitsialaat. Taakku tamarmik ilaqartinneqassapput mindfulness-imik, anersaartornermik sungiusaatinik, ukkassiniarnermilu sungiusaatinik assigiinngitsunik.

Ingerlaavartumik ingerlanneqassapputtaaq eqimattakkaarluni oqallinnerit, sungiusaatit, unikaallannerit pitsaasut aamma ussersuutinik pinnguarneq kiisalu assigiinngitsunik periuseqarluni ussersuutinik uteqattaarinerit/alanngaarnerit.

Malugiuk: Tapersersortimik peqataasoqassappat, immersugassap immersunnginnerani tapersersortaasup pisortarisaa qaninneq paasitinneqareersimassaaq peqataatitsinissamullu akuersisimassalluni. 

Qinnuteqarnermi akissutissarsinissaq:
Piffissaq qinnuteqarfissarititaasup qaangiunneranit sapaatit akunneri marluk ingerlanerani akissutissarsissaatit.


Angalaneq aningaasartuutillu:
Peqataanermut atatillugu Pissassarfiup aningaasartuutit uku matussusissavai:
• Najukkamiit Sisimiunut uterlugulu bilitsi angalernermilu unnuiffissat ilanngutereerlugit
• Naapititsinerup ingerlanneqarnerani ineqarneq nerisaqarnerlu 

Tapersersortit: tapersersortaallutik peqataasunut ineqarnermut atatillugu ullaakkorsiorneq ilaareerpoq. Pissassarfimmi ullukkut najuulluni sulinermi nerisaqarneq ilaareerpoq. Unnukkorsiorneq Pissassarfimmut attuumassuteqanngilaq.

Illoqarfimmit allamit peqataasussat naapeqatigiinnissap aallartiffissaa ullormik sioqqullugu tikissapput, naapeqatigiissitsinerlu naammassippat aqaguani aallaqqissallutik.
Malugiuk, angalatitsivinnit ullut angallavissat apeqqutaallutik tikiffissat aallarfissallu allaanerusinnaapput.

Maluginiaqquneqarpoq, bilitsit akikinnerpaat allanngortinneqarsinnaanngitsut atorneqarumaar-mata. Peqataasussat bilitsinik inniminneriikkanik allannguisut taamaatitsisulluunniit nammineq aningaasartuutissat matussusissavaat, Pissassarfiup angalanermut aningaasartuutit akilereer-nikuummagit. Tapersersortaasoq pineqarpat sulisitsisuata aningaasartuutaasut matussusissavai.

Sisimiunut tikinnermi Pissassarfimmit aaneqassaatit.

Malugiuk: Angalanermi najukkamiit mittarfiliarnermi, kiisalu angalanermi aqqutaani illoqarfinni allani akunninnermi angallanneqarnissaq ilanngunneqanngillat. Aamma nammineq aningaasartuutissat - soorlu atisanik errorsineq, Pissassarfimmit matussuserneqarnertaaq ajorput.

Aningaasaqarneq ullormusiallu:
Pissassarfiup ullormusiat pillugit suliat akisussaaffiginngilai.
Tapersersortaasumik peqataasoqarpat, taassuma aningaasarsiai ullormusiassaalu sulisitsisup akisussaaffigivai.

Malugiuk: Tapersersortaasut ullormusiat pillugit apeqqutissallit, nammineerlutik pisortarisartik qaninneq attavigissavaat. Ingiallortimik peqataasoqartillugu, pineqartoq sulinermi annaasaqaataasinnaasut pillugit Majoriaq-mut saaffiginninnissaa innersuunneqarpoq.

Apeqqutissaqassaguit, attaviginnissannut tikilluaqqusaavutit:
• E-maili: pissassarfik@nanoq.gl
• Oqarasuaat: 34 50 70

Aamma atuaruk