Assi: Pissassarfiup angalasartui Tasiilamut angalasussat:
Mette Møller, Nunarput tamakkerlugu pillorissaanermi immikkut akisussaasoq. Kuuna Inûsugtok`, Perorsaasoq.
Assimi peqataanngilaq: Jens-Peter Schmidt Bjertrup, Nunarput tamakkerlugu timimik sungiusaanermi immikkut akisussaasoq.
Pissassarfik, Nuna tamakkerlugu Innarluutilinnut sullissiviup angalasartui sapaat 16. apriilimiit tallimanngorneq 21. apriili 2023 ilanngullugu Tasiilamiissapput.
Tikeraarnermi siunertaavoq Pissassarfimmut pissassariarsimasut ilaannik malitseqartitsilluni naapeqateqarneq, aamma innuttaasunik innarluutilinnik nutaanik naapitsilluni pissassariarnissamut periarfissaannik nalilersuineq.
Ullut marluk ADHD aamma autisme pillugit ikorfartortitut sulisunut qanigisaasunullu workshopi ingerlanneqassaaq.
Tasiilami suliffeqarfiit innarluutilinnut atassuteqartut Pissassarfimmit attavigineqassapput, periarfissinneqassallutik naleqquttumik ilitsersorneqarnissamut aamma siunnersorneqarnissamut.