Sammisaq: Sakkortuumik pissusilersortarnerup pinaveersaartillugulu iliuuseqarfiginissaa
Piffissami: Sap.ak. 32, ulluni 06.-07.-08. august 2025
Sumiiffissaq: Pissassarfik, Sisimiut
Peqataasinnaasut: 20
Sullinniakkat: Paaqqutarinnittartut aamma tapersersortit
Qinnuteqarnissamut killigititaq: Kingusinnerpaamik 27.juuni 2025
Pikkorissaaneq: Pikkorissaaneq danskisut ingerlanneqassaaq oqalutseqassallunilu
Akia: Pikkorissaaneq, angalaneq ineqartitaanerlu akeqanngillat
Nassuiaat:
Durewall® Metoden-imeersut teknikkit, tunngaviillu qulit pinaveersaartitsinermi sakkussatut paasisimasaqarfigilernissaannut pikkorissarneqassaatit.
Durewall® metoden-imi Nænsom Nødværge® tassaavoq innarliinani annersitsinanilu aaqqiagiinnginnerup iliuuseqarfiginissaanut periuseq. Timimik atuilluni peqataatitsinikkut, timip oqariartuutaasigut oqalunnikkullu tamanna pisinnaavoq. Innuttaasoq qitiutillugu pikkorissaassaagut, aaqqiagiinnginnermullu pissutaasinnaasut ajornartorsiutit tunuliaqutitut inissisimaneri, kiisalu suliamik immikkut ilinniarsimasut sullissisut qanoq issusaat pinaveersaartitsinikkut aammalu annikillisaa-sinnaanikkut iliuuserisinnaasaat qimerluussavagut.
Pikkorissarnermi ilaatigut makku suliaqarfigissavatit:
• Durewall® metoden-ip tunngavii qulit (10 principper). Tunngaviit misissussavagut suliaqarfigalugillu, kiisalu pinaveersaartitsinermut aaqqiagiinnginnerullu annikillisarnissaanut tunngaviit qanoq sunniuteqartarnerat paasisimasaqarfiginerulissallugit.
• Durewall® metoden-imi teknik program-imi, timi atorlugu qajannaarneqarsimatilluni periarnissamut periaatsit aqutsineq/aqqutissiuinerlu sungiusassavagut. Aaqqiagiinnginnermik annikillisaataasinnaasut kiisalu aaqqiagiinnginnermik iliuuseqarfiginninnermi atorneqartartut teknikkit qimerluussavagut.
• Qiningatsikkiartuaarnermut ersiutit. Qiningatsikkiartuaartoqarnerani ersiuteqartoqartillugu, nakkutiginninnissamut iliuuseqarnissamullu periutsit assigiinngitsut iserfigissavagut.
• Nammineerluni suliffigisamit pisimasuutitaq. Maannakkut tamanna suliffinni atuuppat, taava pisimasuutitaq naleqquttoq aallavigalugu sulisinnaavugut.
• Aaqqiagiinnginnermut ilisarnaat. FØR-UNDER-EFTER modelleq pinaveersaartitsinermi paasinninniarnermilu atorneqartartoq atorlugu sulissaagut. Aammattaaq F-it pingasut I-llu pingasut (Akiuunneq (Fight), Qerineq (Frys), Qimaaneq (Flygt) aamma Taqamut iseqarneq (Intuition) Eqqarsaatigeqqaagaanngitsumik iliuuseqartarneq (Instinkt), Silassorissuseq (Intelligens) aqqutigalugit qisuariartarnermut ilisarnaatit iliuuseqarnissamullu periarfissat sammissavagut. Taamalillutik innuttaasumik pinaveersaartitsiffiusumik suleqateqarnissaminnut, sulisut inunnik qanimut sullissisut akisussaassusermik tiguseqataassapput.
Siunertaq:
Durewall® Metoden-ip tunngavii qulit (10 principper) pinaveersaartitsinermut periutsit, sakkortuumillu pisoqartillugu naapertuuttumik iliuuseqarniarluni timi atorlugu teknikkit pillugit pikkorissartut ilisimasaqarlualernissaat pikkorissaanerup siunertaraa. Innuttaasut sakkortuumik pissusilersorsinnaasartut, puiguttornermik imaluunniit eqqarsartaatsikkut nanertuuteqarnerminnik sunnerneqaqqasut akornani sulinermi ataatsimoorussamik attaveqarnermi periuseqarnissaq pingaartinneqarpoq. Aaqqiagiinngittoqarnissaanut pinaveersaartitsiniarluni kiisalu sakkortuumik pissusilersortoqartillugu, timi atorlugu teknikkit atorneqarsinnaasut pillugit peqataasut tigussaasunik sakkussarsitinneqassapput. Peqataasut nammineerlutik periuserisartakkatik qisuariartarnermullu ilisarnaatitik pillugit eqqarsartaatsikkut paasisimanninnertik pillugu suliaqarnissaminnut periarfissinneqarlutillu, sakkortuumik pisoqartillugu namminneq qisuariaatigisartakkaminnut ataatsimut isigisumik paasisimasaqalernissamut ilisarititsivigineqassapput. Tamatumunnga sulisut sillimaniarnerisa aammalu inersimasup/utoqqaap pissusilersuutaanut patsisaasinnaasunik, ataatsimut periuseqarlunilu paasisimasaqaqatigiinnermi inersimasup/utoqqaap toqqissisimanissaata qaffassarneqarnissaa siunertaavoq.
Pikkorissaasoq:
Thomas Kortegaard Brandt ilinniartitsisutut ilinniarsimavoq Durewall®-instruktøritullu diplomeqarluni. Thomas atuarfinni, tarnimikkullu nappaateqartunut isumaginninnermi inissianik neqerooruteqartarnermik suliaqarluni sulinikuuvoq. Meeqqanik inuusuttunillu autismeqartunik, ADHD-eqartunik OCD-eqartunillu sullissinermi misilittagartuujuvoq. Ukiullu kingulliit arfineq-marluk ingerlaneranni inuit qitiutillugit, aaqqiagiinnginnermik pinaveersaartitsineq sakkortuumillu pissusilersortoqartillugu timi atorlugu tamatuma qanoq iliuuseqarfiginissaa pillugu sullissisunik pikkorissaanermik ingerlatsisuuvoq.
Pikkorissarnissamut neqeroorut pdf-iusoq aajuk:
Suliassanut immikkut ilinniarsimasunut inersimasunik utoqqarnillu sakkortuumik pissusilersorsinnaasartunik sullissisunut pikkorissarnissamik neqeroorut
Qinnuteqarneq:
Peqataaniarluni nalunaarneq online aqqutigalugu immersugassaq sap. ak. 8 naalernerani maana saqqummissaaq/SAQQUMMERPAT QINNUTEQARLUARINA
Qinnuteqarnermi akissutissarsinissaq:
Piffissaq qinnuteqarfissarititaasup qaangiunnerani sapaatip akunnerata kingorna akissutissarsisoqassaaq.
Angalaneq, ineqarneq, nerisaqarneq, ullormusiat aningaasartuutillu:
Pikkorissarneq, angalaneq ineqartitaanerlu akeqanngillat.
Angalaneq billetsilu:
Illoqarfimmit allamit peqataasussat pikkorissarnerup aallartiffissaa ullormik sioqqullugu tikissapput, pikkorissarnerlu naammassippat aqaguani aallaqqissallutik.
Taamaakkaluartoq angalatitsivinnit ullut angallavissat apeqqutaallutik, tikiffissat aallarfissallu allaanerusinnaapput.
Malugiuk: billetsit akikinnerit allanngortissinnaanngitsullu atorneqassapput. Taamaammat billetsinik inniminneriikkanik allannguinermi taamaatitsinermiluunniit, Pissassarfiup angalanermut aningaasartuutai peqataasussap sulisitsisuata matussusissavai.
Najugaqarfissaq:
SØMA
Nerisaqarneq:
Ulluni pikkorissarfiusuni, peqataasut takkullutik Pissassarfimmiinneranni unillatsiarnerni tamussius-sassat aamma ulloqeqqasiutissat Pissassarfiup isumagissavai, ullaakkorsiorneq SØMA-mi ineqarnermut ilaareerpoq. Unnukkorsiorneq Pissassarfimmut attuumassuteqanngilaq.
Ullormusiat aamma aningaasartuutit:
Atorfeqartup aningaasarsiai ullormusiassaalu sulisitsisup matussusissavai.
Malugiuk: Pikkorissariartussaq ullormusiat pillugit apeqqutissaqaruni nammineq pisortarisani qaninneq saaffigissammagu. Billetsimut najugaqarnissamullu aningaasartuutit Pissassarfiup matussusissavai. Najukkami angallatsilluni mittarfiliaanneqarnermiit ornitassami apuuffigisassamut, allallu aningaasartuutaasut soorlu errorsineq Pissassarfimmut attuumassuteqanngillat.
Apeqqutissaqartoqarpat uunga apeqqutigineqassapput:
pissassarfik@nanoq.gl imalt. oqarasuaat. 34 50 70