Assi saamerlermi: Pikkorissaasoq Thomas Kortegaard, ilinniartitsisoq aamma Durewall pillugu ilinniarsimasoq ilitsersuisorlu. Tullii: Pissassarfimmi oqalutsit: Birgithe Christensen & ArnaK´Hendriksen Karlsen. Sinneri: pikkorissarnermut peqataasut nunatsinni sumiiffinni assigiinngitsuneersut
Pikkorissarnermi sammineqarpoq sakkortuumik pissusilersortarnerup pinaveersaartillugulu iliuuseqarfiginissaa.
Pikkorissarnerup siunertarivaa:
• Eqqarsaatigeqqaarnagu sakkortuumik pissusilersortarnerup qanoq aallaaveqartarneri pillugit ilisimasaqalerneq
• Pinaveersaartitsinissamik suliaqarnermi ilisimasaqalerneq
• Akerleriittoqarnerani aamma akerleriinneq annikillisimaartinniarlugu inuppalaartumik iliuusissatut sakkussat
• Akerleriiffiusunik pisoqartillugu suleqatinik ilitsersuinissamut piginnaasaqalerneq
Peqataasut periarfissinneqarput nammineq periuserisartakkatik pillugit imminnut qiviarnissaminnut, kiisalu saqqummiivigineqarput sualulluinnartunik pisoqartillugu qisuariaatigisartakkatik nammineq qanoq paasisinnaaneraat.
Aammattaaq siunertarineqarpoq sulisut isumannaallisaavigineqarnerisa aamma meeqqap/inuusuttup toqqissisimanissaasa annertusarnissaat assigiimmik periuseqarnikkut, kiisalu meeqqap/inuusuttup pissusilersuutaanut pissutaasinnaasut suleqatigiit iluminni ataatsimoorussamik paaseqatigiissutiginissai.
“Durewall- periuseq atorlugu ataatsimoorussamik qulakkeerneqarsinnaavoq, meeqqat sakkortuumik pissusilersortartut toqqissisimatinneqarnerulernissaat, taamaasiornermilu mianersuussilluni periutsit sungiusarnerisigut sakkortuumik pissusilersuutit iliuuseqarfigisinnaavagut; sulisut akornanni nukissaqarnerulerneq qulakkeersinnaavarput. Nukissaqarnerutilluta meeqqap sakkortuumik pissusilersuutai paasilluarnerulersinnaavagut ajornartorsiutinut aaqqiiniarnermi, aamma meeqqap ajornartorsiulerfiani tapersersortuarneratigut pissusilersuutigisartagai naleqquttumik inerisartuarsinnaavagut.”– taamak oqaaseqarpoq pikkorissaasoq Thomas Kortegaard, ilinniartitsisoq aamma Durewall®pillugu ilinniarsimasoq ilitsersuisorlu.
Pikkorissarnermi assit: Pissassarfik
Sammisaq: Timimi sianiutit pissusaannut tunngasoq/-sut
Uani atuarukSammisaq: Timimi sianiutit pissusaannut tunngasoq/-sut
Piffissami: 09.-10.-11. apriili
Sammisaq: Sakkortuumik pissusilersortarnerup pinaveersaartillugulu iliuuseqarfiginissaa
Piffissami: 14.-15.-16. maaji 2025