Pissassarfik, Nuna Tamakkerlugu Innarluutilinnut Sullissiviup angalasartui Ilulissanut, Upernavimmut aamma Uummannamut tikeraalerput

Assi: Pissassarfiup angalasartui, saamerlermiit:  Jens-Peter Schmidt Bjertrup -Nunarput tamakkerlugu timimik sungiusaanermi immikkut akisussaasoq. Sille Palmelund Kristensen -Nunarput tamakkerlugu timimik sungiusaanermi immikkut akisussaasoq. Mathilde Worsøe-Petersen -Tarnip pissusiinik ilisimasalik. Cidseeraq Davidsen Fontain-Perorsaasoq.
ArnaK`Hendriksen Karlsen-Oqalutsi. Helene Larsen Lennert -Perorsaasoq.

Tikeraarnermi siunertaavoq Pissassarfimmut pissassariarsimasut ilaannik malitseqartitsilluni naapeqateqarneq, aamma innuttaasunik innarluutilinnik nutaanik naapitsilluni pissassariarnissamut periarfissaannik nalilersuineq.

Kommunini sullissisut (sagsbehandler), atuarfiit, MISI allallu suliffeqarfiit innarluutillit pillugit suliaqarfiusut pulaarneqassapput. Pisariaqartitsineq naapertorlugu ilitsersorneqarlutillu siunnersorneqassapput.

Angalanermi piffissamik isumaqatigiissuteqarfigineqareersut naapinneqarlutillu pulaarneqassapput.

Pissassarfiup angalasartuisa ullut suliffissaat:
Ilulissat: 9.-12. juuni 2025
Upernavik: 12.-16. juuni 2025
Uummannaq: 17.-20. Juuni 2025

Aamma atuaruk