Nuna tamakkerlugu inunnik innarluutilinnik Pissassarfimmi naapeqatigiisitsineq

Timikkut piginnaasakillinermi timikkullu annaasaqarnerup kingunerisaanik tarnikkut kingunerluutaasinnaasut pillugit inersimasut innarluutillit timikkut piginnaasakillisimasut timikkullu annaasaqarsimasut, qanigisaasut aamma ikorfartortaasut ilanngullugit innuttaasut 20-it Nunatsinni sumiiffinni assigiinngitsuneersut ulluni 9. – 11. maaji 2023, Pissassarfimmi naapeqatigiipput.

Naapeqatigiinneq Kalaallisut ingerlanneqarpoq psykoterapeut Elisabeth P. Wille ingerlatsisoralugu. Naapeqatigiinnermi saqqummiunneqarput aamma eqimattanngorluni eqqartorneqarput timikkut piginnaasakillinermi timikkullu annaasaqarnermi aqqusaakkat sakkortusinnaasut, qisuariaatsit, akuersineq, imminut naalaarsinnaaneq, ikiorsersinnaaneq, iperaaneq, qanigisat eqqugaaqataasarnerat, maanna killiffigisaq aallaagivalugu ingerlariaqqinnissamut iliuuserineqarsinnaasut aamma saaffissat iluaqutaasinnaasut. Eqqartukkat imaannaanngittarmata naapeqatigiinneq imminut naalaarnermik aamma qiimmassaqatigiinnertalimmik ingerlanneqarpoq.

Naapeqatigiinnermi peqataasoq Kristin Wille pingasunngorneq 10. Maj 70-iliilluni inuuissiormat erinarsorfigineqarpoq mamarluinnartumillu kaagisorlutik.

Naapeqatigiinnermi assit:

Naapeqatigiinnermi ingerlatsisoq: Psykoterapeut Elisabeth P. Wille

Tiniteqilaarmiut Kristin Wille 70-iliilluni inuuissiortoq nulialu.

Aamma atuaruk