Sammisaq: Qaratsami sianiutit pissusaat
Piffissami: Sap. akunnera 11, ulluni 13.-14.-15. martsi 2024
Sumiiffissaq: Pissassarfik, Sisimiut
Peqataasinnaasut: 20
Sullinniakkat: Qaratsami taqqatigut milikartoornermik, aanaartoornermik imaluunniit ajutoornerup kingunerisaanik qaratsakkut ajoqusersimasunut tapersersortit
Qinnuteqarfissaq: Kingusinnerpaamik ulloq 12. februaari 2024 (Qaangiutereerpoq)
Pikkorissaaneq: Pikkorissaaneq danskisut ingerlanneqassaaq oqalutseqassallunilu
Linki toorlugu pikkorissanermi assit takukkit aamma allaatigisaq naatsoq atuaruk:
Innuttaasunut qaratsamikkut ajoqusersimasunut tapersersortit sullissisuusut, timimi sianiutit pissussaannut tunngasunik Pissassarfimmi pikkorissarnerat ingerlanneqarsimalerpoq. (pissassarfik.gl)
Nassuiaat:
Inuit inersimasut innarluuteqalertarnerinut qaratsakkut ajoqusersimaneq peqqutaagajuttarpoq inersimasuni qaratsakkut ajoqusersimanerit qaratsami taqqatigut milikartoornermik imaluunniit aanaartoornermik tamatigut peqquteqartumik pilersarpoq, imaluunniit ajutoortoqarsimatillugu qarasaq akornuserneqartarpoq.
Qarasaq sunut tamanut suliaqarnitsinnut peqataasarpoq. Qaratsakkut ajoqusersimanermi akuttunngitsumik annertuumik piginnaasatigut annikillisimaneq oqalunniarnikkullu ajornartorsiuteqalernerup kingunerisaanik malitseqartarpoq, kisianni aamma qaratsakkut ajoqusersimanermi pissusilersuutitsigut allanngornermik kingunerluutaasinnaalluni, sumiiffimmik aamma aqqutissamik ujartuinermik piginnaaskillisimaneq, ulluinnarnilu iliuuseqarnissamut piginnaasatigut allannguuteqarneq. Inuit amerlasuut qaratsakkut ajoqusersimasut annilaaganermik amma isummakkut nanertisimaneq tarnimikkut qisuariaatitut misigisarpaat.
Ulluinnarni inunnik qaratsakkut ajoqusersimasunik sullissisuulluni apeqqut imaattoq takkuttarpoq, qaratsakkut ajoquteqalerneq pissusilersuutillu allanngortarneri qanoq ilillutik imminnut ataqatigiippat? Eqqugaasoq ilaqutaasullu qanoq ilillutit pitsaanerusumik tapersersorsinnaavigit? Inuit oqalunniarnikkut ajornartorsiuuteqartut imaluunniit pissusilersuutitigut ajornartorsiuuteqartut qanoq atassuteqarfigineqarsinnaappat?
Siunertaq:
Qaratsap qanoq atuuteqarneranik aamma nappaatit qaratsamut qanoq sunniuteqartarneri pillugit pikkorissartitsinermi erseqqissumik paasisaqarnissat siunertaavoq. Aammattaaq qaratsakkut ajoqusersimanerup kingunerisaanik ersiutit nalinginnaasut pillugit aamma inunnik qaratsamigut ajoqusersimasunik ulluinnarni sullissininni sapinngisamik qanoq tapersersuinissannut attaveqarsinnaanissannullu siunnersuutinik ilitsersuunneqassaatit.
Pikkorissaasoq:
Anders Degn Pedersen. Napparsimasunik qaratsap tarnimut timimullu sunniuteqartarneri pillugit immikkut ilinniagalik aamma Odensemi Syd-dansk Universitetimi qaratsap tarnimut timimullu sunniuteqartarneri pillugit lektori.
Ulloq qinnuteqarfissaq kingulleq qaangiutereerpoq
Pikkorissarnissamut neqeroorut PDF-filiusoq aajuk:
Tapersersortit innuttasut qaratsamikkut ajoqusersimasunut sullissisuusut pikkorissarnissaannut neqeroorut
Angalaneq aningaasartuutillu:
Illoqarfimmit allamit peqataasussat pikkorissarnerup allartiffissaa ullormik sioqqullugu tikissapput, pikkorissarnerlu naammassippat aqaguani aallaqqillutik. Taamaakkaluartoq angalatitsivinnit ullut angallavissat apeqqutaallutik tikiffissat aallarfissallu allaanerusinnaapput. Najugarisamiit Sisimiunut uterlugu billetsi, ineqarneq ullaakkorsiorneq ilanngullugu ullunilu pikkorissarfinni ullup qeqqasiorneq Pissassarfiup isumagissavai.
Malugiuk: billetsit akikinnerit allanngortissinnaanngitsullu atorneqassapput. Taamaammat billetsinik allannguinermi taamaatitsinermiluunniit Pissassarfiup angalanermut aningaasartuutai, pikkorissartussap sulisitsisuata matussusissavai.
Angalanermi aningaasartuutit ass. taxarneq ullormusiallu Pissassarfimmut attuumassuteqanngillat.
Apeqqutissaqartoqarpat uunga apeqqutigineqassapput:
pissassarfik@nanoq.gl imalt. oqarasuaat. 34 50 70