Innuttaasunut qaratsamikkut ajoqusersimasunut tapersersortit sullissisuusut, timimi sianiutit pissussaannut tunngasunik Pissassarfimmi pikkorissarnerat ingerlanneqarsimalerpoq.

Pikkorissarneq ingerlanneqarpoq Anders Degn Pedersen suleqatigalugu. Napparsimasunik qaratsap tarnimut timimullu sunniuteqartarneri pillugit immikkut ilinniagalik aamma Odensemi Syd-dansk Universitetimi qaratsap tarnimut timimullu sunniuteqartarneri pillugit lektori.

Nunatsinni sumiiffinni assigiinngitsuneersut, qaratsami taqqatigut milikartoornermi, aanaartoornermi imaluunniit ajutoornerup kingunerisaanik qaratsakkut ajoqusersimasunut tapersersortit 20-it Pissassarfimmi 13.-14.-15. marsi 2024 pikkorissarneqarput, qaratsami sianiutit pissusaat qulequtarineqarluni.

Qaratsap qanoq atuuffeqarnera aamma nappaatit qaratsamut qanoq sunniuteqartarneri ilaatigut pikkorissarnermi sukumiisumik sammineqarput. Aammattaaq qaratsakkut ajoqusersimanerup kingunerisaanik ersiutit nalinginnaasut pillugit, ulluinnarnilu qaratsamikkut ajoqusersimasunik sullissinermi sapinngisamik qanoq tapersersuinissamut attaveqarsinnaanermullu siunnersuutinik pissarsiaqarput.

Pikkorissaasuuvoq Anders Degn Pedersen. Napparsimasunik qaratsap tarnimut timimullu sunniuteqartarneri pillugit immikkut ilinniagalik kiisalu Odensemi Syd Dansk Universitetimi qaratsap tarnimut timimullu sunniuteqartarneri pillugit lektoriuvoq.

Linkimi tulliuttumi pikkorissarnerup imarisaa atuaruk (neqeroorutip allaatigineqarnera):
Tapersersortit innuttaasut qaratsamikkut ajoqusersimasunut sullissisuusut pikkorissarnissaannut neqeroorut. 

Tapersersortit Kommune Kujallermit, Kommuneqarfik Sermersuumit, Qeqqata Kommunianit, pikkorissaasoq aamma Pissassarfimmi oqalutsi.

Aamma atuaruk