airplanebooksbriefcase business cogs cross election entertainment fish house law lockmedicalpeopleselfservices socialtax

Pissassarfiup angalasartui Narsamut, Qaqortumut aamma Nanortalimmut tikeraalerput

16. april 2024
Pissassarfik

Nuna Tamakkerlugu Innarluutilinnut Sullissiviup Pissassarfiup angalasartui tikeraarneranni siunertaavoq, inuit innarluutillit imaluunniit piginnaanngorsaaqqinneqarnissamik pisariaqartitsisut naapissallugit, naapitsineq sivikitsumik ilitsersuinermik, siunnersuinermik aamma Pissassarfimmut pissassariarnissamik innersuunneqarnissamut periarfissaqarnermik misissuineq ingerlanneqassaaq. Tikeraarnermi aamma Pissassarfimmut pissassariarsimasunik malitseqartitsilluni naapitsineq ingerlanneqassaaq. Ilaatigut aamma atuarfiit, najugaqarfiit pulaarneqassapput taakkunani innuttaasut innarluutilinnut tunngatillugu sulisunik ilitsersuisoqassalluni.

Pissassarfiup angalasartuisa ullut suliffissaat: Narsaq 25.-26. apriili 2024/ Qaqortoq 29.-30. apriili 2024/ Nanortalik 01.-02. maaji 2024. Angalasartut ullut suliffissaanni kommuni suleqatigalugu pisussat aaqqissuunneqareerput.


 

Workshop

Angalanermi illoqarfinni tikitassani tamani workshop ingerlanneqassapput sammisatut qulequtaralu


Meeqqat inuusutullu autismeqartut imaluunniit ADHD-qartut

Workshoppimut peqataasinnaasut: Sullissisut, tapersersortit, angajoqqaat aamma akisussaasut.  
Peqataasinnaasut amerlassusaat: 30
Workshop ingerlanneqassaaq kalaallisut.
Saqqummiisoq: Kuuna, Inûsugtok`perorsaasoq, Pissassarfik.

Nassuiaat:
Workshopimi ukkatarineqassapput ADHD aamma autisme. Saqqummiineq teori sulinermilu inooriaatsimi periutsit atorneqartut paarlakaallugit ingerlanneqassaaq.

Siunertaq:
Peqataasut ulluinnaat pilersaarusiornissaannut, ilisimasanik sakkussanillu pissarsissapput. Taamaasillutik meeqqat inuusuttullu ADHDqartut imaluunniit autismeqartut unammillernartitaminnik aamma atugassarititaminnik pitsaanerpaamik ingerlasinnaanissaat siunertarineqarluni.

Imarisaq:
Innarluutit/nappaatit suussusiannik ilisimasaqalerneq aamma taakku marluk suussusiisa assigiinngissusaat.

Maluginiutit pissusilersuutinut isumaat.

Attuumassuteqarfigisanut ilisarititsineq, perorsaasutut sulineq aamma sunniivigeqatigiinneq.

Inooqatigiinnermi sunniivigeqatigiinneq aamma inooqatigiinnermi attaveqaqatigiinneq.

Ulluinnarni ilusilersuineq, aaqqissuussineq  aamma pilersaarusiorneq. Teori aamma ilisimasat perorsaasutut sulinermi timitalersinnaaneri.

Saqqummiisussaq: Kuuna Inûsugtok’, Pissassarfik

 

Workshoptsinissamut ulluliussat:

 Malugiuk: angallanneq peqqutaalluni kinguaattoortoqaratarsinnaammat. Kinguaattoortoqarpat peqataaniarlutik nalunaarsimasut ilisimatinneqassapput.

Narsami workshop ingerlanneqarfissai
Ulluni: 25.-26. Apriili 2024
Sumi: Katersortarfik/ Narsaq
Nal.: 09:00-16:00
Sisamanngorneq nal. 13:00-16:00 nalunaaqutaa allanngorpoq, angallannermi kinguaattoorneq peqqutigalugu.
Peqataasinnaasut amerlassusaat: 30

 -

Qaqortumi workshop ingerlanneqarfissai:
Ulluni: 27.28. Apriili 2024
Sumi: Hotel Qaqortoq
Nal.: 09:00-16:00
Peqataasinnaasut amerlassusaat: 30

 -
Nanortalimmi workshop ingerlanneqarfissai:
Ulluni: 01.-02. Maaji 2024
Sumi: Katersortarfik Qujanartip Illua
Nal.: 09:00-16:00
Peqataasinnaasut amerlassusaat: 30


Nanortalimmi peqataaniarluni nalunaarfissaq:
Paornanguak Simonsen, handicapsagsbehandler.
E-mail.: pasi@kujalleq.gl
Oqarasuaat toqqaannartoq:   614122
Ornigunnikkut nalunaarfissaq: Kommune Allaffia
Nalunaarfissap killinga: Ataasinngorneq 29. Apriili 2024 nal. 12:00

 

 

 

 

 

Aamma atuaruk

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput. Akueriuk annertunerusumilluunniit uani paasisaqarit.