airplanebooksbriefcase business cogs cross election entertainment fish house law lockmedicalpeopleselfservices socialtax

Immikkut ilinniagallit inersimasuni ADHD-qarneq pillugu Pissassarfimmi Pikkorissarput

19. december 2023
Pissassarfik
Pikkorissaanermut peqataasut 21-it Nuummiit, Ilulissaniit, Kangaatsiamiit, Sisimiuniit, Narsamiit Nanortalimmiit aamma Qaqortumiit peqataapput. Peqataasut amerlanerit Majoriami atorfeqarput ilaatigut Majoriami ilinniartitsisut, kommunini sagsbehandleritut sullissisut, najugaqatigiiffinni atorfilik, innarluutilinnut tapersersortinut ataqatigiissaarisoq, innarluutilinnik sullissinermi aqutsisut aamma Tilioq-mi atorfillit peqataapput.

Pissassarfik nuna tamakkerlugu immikkut ilinniagalinnut  inersimasut ADHD-qartut pillugit sullissisunut pikkorissartitsivoq, ulluni 26.-27.-28. septembari 2023 qulequtaralugu: “Immikkut ilinniagalittut innuttaasoq ADHD-qartoq qanoq ikiorsinnaaviuk?”

Pikkorissarnermi sammineqartut ilagivaat ADHD/ADD, ilisarnaatai,  sunniutigisartagai aamma innuttaasut ADHD-qartut inuunerminni annertuumik assigiinngitsutigut ataqatigiissitsiniarnermi unammillernartittagaat. Pikkorissartut innuttaasut ADHD-qartut qanoq sullinneqarsinnaanerinik suleqatigiillu akornanni qanoq suleqatigiittoqarsinnaaneranik pikkorissarnermi sakkussanik pissarsipput. 

Danmarkimi ADHD peqatigiiffiani sammisami pisortaq aamma pilersaarusiornermi aqutsisoq pikkorissaasuuvoq: Tine Hedegaard, ilaatigut ineriartortitsisoq ADHD-foreningens mestringsforløb for unge og voksne med ADHD-mi. 

Malugiuk: Ukiumi nutaami pikkorissarneq pillugu filmiaraq saqqummersissagatsigu.

Pikkorissarnermit assit:


Aamma atuaruk

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput. Akueriuk annertunerusumilluunniit uani paasisaqarit.