Isumaginninnermut Aqutsisoqarfik aamma Pissassarfik, Meeqqanut inuusuttunullu Naalakkersuisoqarfik suleqatigalugu Sisimiuni ulluni pingasuni 03.-05. Septembari 2024 isumaqasioqatigiissitsinissamut qaaqqusivoq sammissallugu: “Kalaallit Nunaanni inunnut innarluutilinnut ikorfartuineq aamma suleqatigiinneq. – Innuttaasoq pillugu qanoq suleqatigiissaagut?”.
Isumasioqatigiissitsinerup siunertarivaa nuna tamakkerlugu suliassaqarfiit akornanni pitsaanerusumik paaseqatigiinnerulernissaq, suliarisartakkat pillugit qanoq pitsaanerusumik ataatsimoorussamik, innuttaasut innarluutillit suliassaqarfinnit assigiinngitsunit ikorfartorneqarnissamik pisariaqartitsisut qanoq toqqissisimanartumik ataqatigiissumillu sullinneqarnerat suleqatigiissutigineqarsinnaanera, Pissassarfik uani immikkut ukkatarineqassaaq. Kommunit innuttaasunut innarluutilinnut sullissineranni Pissassarfiup qanoq ikorfartorsinnaanerai, aamma innuttaasut pillugit Pissassarfik qanoq suleqatigineqarsinnaanersoq.
Isumasioqatigiissitsinissamut qaaqquneqarput:
Kommunini sullissisut, innarluutilinnut tunngasuni aqutsisut, ikorfartortinut ataqatigiissaarisunut aqutsisut, Tilioq, Peqqinnissaqarfik aamma Naalakkersuisoqarfiit innarluutilinnut tunngassutilinnut sullissisut.
Isumasioqatigiinneq Taseralimmi ingerlanneqassaaq, Pissassarfimmilu takornariartitsisoqassalluni.
Qaaqquneqartunut nalunaarfissap killinga: ulloq pingasunngorneq 7. Aggusti 2024
Qaaqqusissut pdf-tut aajuk: (Kalaallisut oqaasertai naqqitat nassiussuunneqartuninngarnit)
Isumasioqatigiissitsinissamut qaaqqusissut
Peqataanissamut nalunaarniarluni immersugassaq Pdf-tut aajuk:
Peqataanissamut nalunaarniarluni immersugassaq
Pissassarfik & Isumaginninnermut Aqutsisoqarfik