Ukioq 2023 aallarnerfigalugu innuttaasup Pissassarfimmi piginnaasanngorsaqqinnissaanut atatillugu kommune innersuussisoq angalanermi aningaasartuutinut akisussaasunngornerata kingorna, Pissassarfimmut innersuunneqartut ikileriarujussuaput.
Nuannaarutigingaarlugu ilisimatitsissutigissavarput Inatsisartut Aningaasaqarnermut Akileraartarnermullu Ataatsimiititaliaat ullormi 31. maaji 2024-mi aalajangiussaqarmat 2024-innarmut Pissassarfimmut aningaasaliissutit amerlineqassasut. Kakkiussaq takuuk:
Orientering omkring finansiering af trasportugifter i 2024 i forbindelse med træningsophold på Pissassarfik_KAL
Aningaasaliissutit ilassutaasut innuttaasut innarluutillit piginnaanngorsaqqinnissaannut Pissassarfimmut ingiallortaatalu angalanissaannut atorneqassapput.
Taamaasilluni Kommunit toqqaannaartumik Pissassariarnermi angalanermut 2024 naanissaata tungaanut aningaasartuuteqassanngillat.
Saniatigut kommunit aaqqissuussaanerata assigiimmik pisussaaffeqartitsisup, ataatsimoortumik tapiissutini piffissami 2018 – 2020 kommuninut isumaqatigiissutaasimasut malillugit, 2025 aallarnerfigalugu pilerseqqinneqarnissaa anguniarlugu isumaqatigiinniarnernut ilanngunneqassaaq.
Kommunit Pissassariartitsinermut ukiup sinneranut angalanermut aningaasartuuteqarunnaarneranni neriuutigivarput innersuussineq ingerlalluaqqilissasoq, innersuunneqartussat pillugit suleqatiginissarsi qilanaaralugu.
Inussiarnersumik inuulluaqusillunga
Naja O. Lennert
Pisortaq, Pissassarfik