airplanebooksbriefcase business cogs cross election entertainment fish house law lockmedicalpeopleselfservices socialtax

Pissassarfiup periusissiaa aamma periusissiamut pilersaarutai 2025-2028-imi saqqummersinneqarput

21. marts 2025
Pissassarfik

Pissassarfiup 2025-2028-mi periusissiaa aamma periusissiamut pilersaarutini matumuuna saqqummiuppai. Kalaallit Nunaanni innuttaasut innarluutillit, kiffaanngissuseqarnissamut inuttut tunngaviusumik pisinnaati-taaffimmik piviusunngortinnissaannut inuillu allat inuiaqatigiinni isumaqarluartumik inuunissamut peqataa-nissaat qularnaarniarlugu sulinerput, periusissiatsinni anguniakkatigut erseqqissumik sammivissinneqarpoq.
 

  

Anguniagassatut takorluugarput
Pissassarfiup anguniagaraa, innuttaasut innarluutillit qanigisaasalu inuunerisa pitsanngorsaaviginissaat aam-ma pitsaanerusunik periarfissinneqarnissaat. Sulissutigivarput kikkut tamarmik – killiffik aallaavigalugu – eqqortumik tapersersorneqarlutillu ilitsersorneqarnermikkut pitsaanerusumik isumaqarluartumillu inuusin-naanissaat.

 

 

 
Tamatuma saniatigut
anguniagarivarput nunatsinni innuttaasunut aamma suliassanut immikkut ilinniarsimasunut innarluuteqarnermut tunngasunik sulialinnut pitsaasumik siunnersuinermik ilitsersuiner-millu neqerooruteqarnissaq, taamaasilluni inuit innarluutillit pisariaqartitaat aallaavigalugit pitsaanerpaamik sullinneqarsinnaaqqullugit. 

 

Periusissiami ukkatarineqartut
2025-2028-mut periusissiami pilersaarutini makkua sulissutiginiarpagut:

1. Pissassarfik pillugu paasissutissat assigiinngitsut nutarterneri, pikkorissarnernut aamma naapeqa-tigiissitsinernut peqataanissamut nalunaarniarluni immersugassat, kiisalu kommunini sullissisut innersuussinermi immersortagaasa digitalinngorsarneri. (Anguniarneqarpoq 2025)
2. Innuttaasut pitsaanerpaamik sullinniarlugit, kommunit qanimut suleqatigilernissaanut sullissinermik suleqatiserinninneq qulequtaralugu: “Qanimut qanoq suleqatigiissinnaavugut?”  (Anguniarneqarpoq 2025/2026)
3. Pissassarfiup neqeroorutai pillugit paasititsiniaaneq (anguniarneqarpoq 2025/2028)

 

 

 

 

 

“Pissassarfiup ammarneraniit ukiut arfineq-marluk qaangiuttullu, nuna tamakkerlugu innarluutilinnik sullissi-nitsinni maanna annertuumik alloriaqqissinnaanngorpugut. Siunnerfeqartumik anguniakkat uku aqqutiga-lugit qularnaarusupparput, innuttaasut, kommunit suleqatigisartakkattalu neqeroorutigut taakkualu qanoq pitsaanerpaamik atorneqarsinnaaneri pillugit ilisimasaqarlualernissaat. Tamanna angorusupparput pitsaa-nerusumik attaveqaqatigiinnikkut qanimullu suleqatigiinnerunikkut.” — Naja O. Lennert, Pissassarfimmi pisortaq.


2025-2026: Pitsaanerusumik digitaliseeriineq paasissutissiisarnerlu
Periusissiamut pilersaarummi siullertut ukkataralugit qitiutinniarpagut  paasissutissiisarnerup peqataajumal-lunilu nalunaartarnerit pitsanngorsarnissai. Tamatuma kingorna kommunit qanimut suleqatigalugit qular-naarusupparput, inoqarfinni tamani suliffeqarfiit Pissassarfiup neqeroorutaasa  ilisimaarillualernissaat, qanorlu atorluarsinnaaneraat innuttaasunut innarluutilinnut iluaqutaalluaqqullugit.                                                                                                                   

“Periusissiamut pilersaarutit 2025-2028 aqqutigalugit Pissassarfiup ineriartornerani alloriarfik nutaaq pingaa-rutilik malunnartipparput. Digitaliseeriineq annertunerusoq, attaveqaqatigiinneq pitsaanerusoq qanimullu suleqatigiinneruneq aqqutigalugit qularnaassavarput, neqeroorutitta atoruminarnerulerlutillu sunniuteqar-luarnerunissaat. Pitsaasumik allannguinissamut akisussaaffiup tigunissaa piareersimaffigaarput, aatsaalli ataatsimoorutta iluatsitsisinnaavugut. Ineriartornerup maanna aallartitatta malinnaaviginissaa qilanaari-vara.” — Naja O. Lennert, Pissassarfimmi pisortaq.

Pissassarfiup periusissiamut pilersaarutaanut atatillugu suleqatigiinnerup nukittorsarnissaanut neqeroo-rutittalu ilisimaneqarluarnerulernissaanut aasap tungaanut kommunit tamakkerlugit immikkut qanimut attavigineqassapput.  Qanimut attaveqatigiinnikkut peqatigiilluta innuttaasut innarluutillit pitsaanerusumik tapersersorneqarlutillu periarfissinneqarnissaat sulissutigissavarput.  

Periusissiamut pilersaarut tamaat linki tulliuttoq toorlugu atuarsinnaavat:
Pissassarfiup periusissiaa aamma periusissiamut pilersaarutaa 2025-2028

 

Naja O. Lennert
Pissassarfimmi Pisortaq